السلام عليكم
بخصوص ثعبان الكوبرا ,
عندي اخ عزيز علي له باع طويل في مجال الحيوانات , وصيته يدور لي ثعبان الكوبرا , واحتمال متوسط يحصل لي واحد
المهم يااخواتي, ماعندي معلومات دقيقة عن الثعابين و كيف اطعمهم وبنحرج اذا بسأل الريال .
شيء من الاخوان يقولون تشتري فار قوم بو ريالين من السوق ,, بين كل فترة وفتره اطعمه
بس المشكلة انا مب فاضي اسير السوق بين كل فتره وفتره واشتري فار او فارين ,, باخذ كمية كبيرة عسب يفرخون لكن المشكلة لازم ياكلون الفيارين وماعندي خلفيه الفار شو ياكل
وناس قالو البيض الطازج وايد زين للثعبان , ياكلها بقشورها , بس السؤال : عادي لو اعطيه كل يوم بيضه او بيضتين , بدل الفيارين ؟
لانه البيض بيريحني من صدعة تربية الفيارين , صح كرتون البيض غالي , لاكن يستاهل 
المهم اخواني الكوبرا شو يحب ياكل بالضبط ؟ وهل جسمه يتحمل حرارة البلاد ؟
او لازم اشغل له المكيف , ؟
والسموحه
نصيحه ابعد
ونت مب اروحك عايش فالبيت اكيد حد ويااك
فلاتخلي رغباتك تخليك تندم طول عمرك
هلا الغالي .. صح كلامك بس بصلحلك معلومه لا هنت ..
” مب كل شي يتربى ” شي حيوانات مفترسه عندها غريزه من ربك .. لو تربيه من هو و صغير و كل ما عودته بتم غريزته فيه و الا ما يجلب عليك بيوم و ياما ناس ماتوا لان ها الفكره في راسهم سواء من اسود او ثعابين او غيره .. و الكوبرا ترى من ها النوع و عفكره الناب لو كان منزوع يطلع بسرعه انت ما تصورها و السم داهيه فـ دخيلك و دخيل ولديك اخوي تحمل و احسبله الف حساب
و السموحه الغالي
في معلومات خاطئة كتبتها , بخصوص الثعابين اخواني
عندهم فتحتين خشم
واذن ,,
لكن وظيفتهن معطلة
الثعابين تسمع عن طريق ذبذذبات الصوت بلسانها
الثعابين تشم عن طريق اللسان
وبالنسبة لعمر الثعابين طلع العمر الشائع
15 الى 25 سنة ,,
وفي ثعابين وخصوصاً الكوبرا تعمر اكثر شوي
والسموحه
ما يقصرون وفيهم البركة جزاهم الله خير جميعاً
وتسلم على الدعايه المميزة
والله يوفقك ويوفق الجميع