السلام عليكم
عندي لكم سؤال ؟؟؟؟؟
لو تقدم لخبطتج شخص مناسب وخلوق وانسان مناسب لج بكل شي بس عندة شرط؟؟؟؟
انة ماتتوظفين او تستقيلين اذا كنت موظفه مع انة انت تحبين وظيفتج وتعبتي في دراستج عشان توصلين تتنازلين عن طموحاتج وتستقيلن من الوظيفه ؟
ابي اجابتكم على السؤال ؟
وشكرا
سؤال أتهرب من إجابته حتى مع نفسي خاصة موضوع الشهادة إلي تعبتي فيها وبشي مميز ومافي غيرج بالدولة …عالعموم التفاهم وبالأسلحة السرية 
ممكن تنحل هالمعضلة ونوصل لحل يرضي الطرفين ..
اغلب الرياييل يدورون ع الموظفة .. بعد وين يقولها استقيلي إلا من رحم ربي خخخخخخخخخ
بس مثل ما قالت الأخت فوشية فرفوشة .. في بعض المجالات نحتاج للمرأة المواطنة .. لكن مب معضلة الله يخلي الوافدات .. يعني حبكت هالمرة نبي توطين ههههههه
اهاااا آسفة عاللبس الغير مقصود …
عيل نشجع العنوسة ..وبهالطريقة تكون الاماراتية ضحت عشان بلادها وبنات بلادها ودينها لما ما تعرس واتظل في مهنتها ك دكتورة و مدرسة و إلخ من الوظايف
فديتج احنا نقصد انها تتسقيل من عملها علشان تتفرغ لزوجها وبيتها مب علشان الاختلاط
يمكن صار عندج لبس
كلام منطقي وصحيح في زمن من الأزمان ..ولكن ..
هل عادي يكشف الدكتور على الحوامل صح؟
ويدرس بناتنا أساتذة؟