السلام عليكم جميعا يا اخوان شما . انا عندي استفسار بسيط عن شاي اسمه
دكتور مينج
يا ليت تعطوني رايكم خاصة الي جرب فيكم قبل لا اجرب هالشاي خاصة لو حد من الاخوان اهني في مجال الطيران المدني اتمنى يشارك برايه .
بخبركم يا اخوان سالفتي باختصار . سالفتي يا جماعة هي حرب بيني و بين 
الرجيم
الوزن عندي دايم يتراوح ما بين ال 95 و ال 90 لا يزيد ولا ينقص من 5 سنين طولي 188 مب مكرش وايد بس بعدني هب مرتاح من سالفة الوزن هاذي . اول الاسباب هو نوعية الاكل . يعني اذا عندك رحلة فوق الساعتين . تضطر تاكل من الاكل الموجود فالطيارة . طبعن معظم الاكل يكون مليان سعرات حرارية . حتى الاكل الي يسمونه ( LOW Calaries ) مجرد اسم . بقول لكم ليش لانه لي شهرين اكل هالوجبات و ما نقصت جرام واحد . بعدين حتى يوم تاكل الاكل هذا و مع ضغط الرحلة و التركيز المتواصل جسمك يحتاي طاقة . و الطاقة فالسعرات الحرارية و السعرات فالاكل الدسم . و الشي الي فوق هذا انك طول 95% من الوقت قاعد و مركز و الحركة محدودة . وان اكلت بس سلطات قعدت يوعان. خاصة اذا عندك رحلات طويلة لازم تاكل غير السلطة . و تاكل اكثر من وجبة
الرياضة
احاول قد ما اقدر اسوي رياضة . اركض 3 كيلو . و اذا ما ركضت اطلع بسيكل . يعني فالاسبوع بطلع معدل 3 الى 4 مرات . و مرات البحر و سباحه او سنوركل
فالبيت
احاول قدر المستطاع ابعد عن العيش و الخبز الابيض و الحلويات الدسمة
الجمعه استثناء 
ذبيحه على مندي او تنور
التدخين
شيشة بس ناوي ابطل ( دعواتكم )
حاولت اشل وياي اكل من برع يعني مثلن امر صب واي قبل لا اسير الرحلة بس بصراحه صعب . خاصة بعض الدول تمنع تدخل وياك شي وانته ياي غير الريحه فالشنطة و غير جي تخاف الاكل يكون فيه شي خربان ولا شي و تتسمم فالنهاية شارية من مطعم ما تظمن .
الحين انا سمعت من الربع انه فيه شاي صيني يمدحونه . سويت بحث قالقوقل لقيت نوعين من الناس . ناس تمدح و ناس تذم . بس بشكل سطحي . يعني مب لدرجة الاقناع .
فيا اخوان الله لا يهينكم اذا حد عنده خلفيه عن الموضوع هذا لا يبخل علينا خاصة اذا كان جربه . انا حاليا ابغي انزل بحدود ال 10 كيلو الى 15 كيلو .
ابغي اعرف الاعراض الجانبية السلبية و الايجابية و مدة و طريقة الاستعمال .
و سلامتكم
شكرا جزيلا . عالنصيحة . اليوم بسير اخذ العصير هذا و ان شاء الله اييب مفعول .
كل انسان و طبيعة جسمه غير عن الاخر…و السبب سرعة الايض… من جي نشوف ناس تاكل بدون حساب و ما تمتن لانها تحرق بسرعة…
و ناس لازم تصوم و تركض و تتبع دايت عقب اي عزيمة دسمة,,,
اخوي انت لازم تحاول تسرع الايض عندك عشان يساعدك على حرق الغذاء بشكل اسرع ..و الشاي الاخضر و الجريب فروت من اهم العوامل المساعدة,,, يعني عالريق تشرب جريب فروت …و خلال اليوم مش اقل من 5 اكواب شاي اخضر..محلى بسكر خفيف..
و شي ثاني.. جربها قريب لي .. حبوب البران( القمح) .. تعطيك احساس بالشبع طول ما تشرب ماي بوفرة خلال النهار…جربها و بتفيدك لانه قريبي نزل عليها 11 كيلو في 28 يوم,,, وهي انتاج مصري,,
اخوي هذا الشاي مب زين وتم سحبة من اسواق الامارات
اخوي تبا تشرب اشرب شاي اخضر غيره لاتشرب
بدل الزيوت اللي تستعملونها في البيت حتى النباتية إلى زيت الكانولا
أو الزيوت الخالية من الكولسترول ..وكلها متوفرة في السوبرماركت
وأكثر من زيت الزيتون في السلطات والفول والحمص
ممنوع دخول السمن والزبدة للبيت >> أوامر هههه
خفف الملح والسكريات قدر الإمكان ..
طبعا أخطرأنواع الملح اللي في المخللات والمعلبات
عليك بالخضروات والفواكه
إحذر الخبز الأبيض وعليك بالأسمر
العيش سهل الهضم والخبز الأبيض يسبب عسر الهضم
الرياضة ماشاء الله عليك مستمر بشكل جيد
وبس
الله يعطيك العافية والعضلات ويبعد عنك الكرش