السلام عليكم
واحد من أهلي قدم على الشرطة(دبي) بشهادة باكلوريوس
وعنده شوية اسأله .. فقلت اطرحها يمكن حد يقدر يساعده 
استفساره كالتالي:
لو حصل وأنه قبلوه كملازم وكانت دورة التدريب بعد فترة مثلاً:
1- شو تكون امتيازاته من ناحية المسمى والراتب في فترة ما قبل دورة التدريب؟
2- شو يكون مسماه الوظيفي وراتبه خلال دورة التدريب؟
3- هل تم رفع مدة الدورة إلى سنه كاملة؟
شكرا مقدماً ..
تحياتي للجميع 
خلال فتره التدريب يكون منصبه مرشح فقط لا اكثر
حقوقه وامتيازاته تحدد بعد اجتيازه الدوره وتوزيعه للمرتب يعني على حسب الاداره والقسم اللي بيروح له راح تحدد له العلاوه والامتيازات والعمل المسند اليه
أول شي هو وقع العقد مع القياده العامه لشرطه دبي؟
من تاريخ تعيينه وقبوله بيكون الراتب … وراتبه طبعا على حسب الرتبه اللي متفقين عليها .. اذا بيعطونه ملازم فبيكون راتب الملازم اللي هو اعتقد 22 الف ان ما خانتني الذاكره …
طبعا الدورة ما تنعقد الا لين ما يكتمل العدد .. ولين ما يكتمل العدد فالريال بيداوم مدني براتب عسكري … لين ما يحددون موعد الدوره …
هذا بخصوص السؤال الاول … يعني راتبه راتب الرتبه المتفق عليها واللي وعدوه بها …
السؤال الثاني عن راتبه وقت الدوره … هالراتب اختي بيتم نفس ماهو مابيتغير …
السؤال الثالث .. مدة الدورة …
الدورة تسع شهور .. ياخذ فيها ” دبلوم مواد شرطيه ”
التسع شهور يكون فيها 6 اسابيع حجز ( 45 يوم )
او ثلاث اسابيع ممنوع الزياره .. ومن بعدها يسمحون بالزياره كل جمعه لمده ساعه …
بعد مدة الحجز القانوني بيطلع كل جمعه وسبت الا لو عليه مخالفات …
أتمني اني اكون جواتبج على اسالتج اختي .. وأي استفسار حاضرين …
في كلية الشرطه في ابوظبي
المرشح مدة الدوره 4 سنوات
الطالب الجامعي سنه
الطالب الجامعي ( الفني ) يعني مهندس كمبيوتر او دكتور 6 اشهر
طالب ترفيع يعني كان مساعد اول ويريد يترفع الى ملازم مدة الدوره سنه
المستجد على حسب من ثلاثة اشهر لين 6 اشهر وهذا في مدارس الشرطه وليس في الكليه
وراتب الملازم في حدود 22 الف
والحجز المتعارف عليه 45 يوم وعلى حسب انضباط المرشحين تنقص يوم او يوميين ….
للتوضيح فقط …
أخوي كان مرشح طيار في السرب الجوي ..
خلال فترة الدورة كان يستلم نص الراتب إلي هو 6 آلاف وخرده .. هذا الكلام سنة 2002
الحين الرواتب فووووق ….. أكيد يستلمون أكثر
سلملم