مساكم الله بالخير و النوور و السروور
سؤال يطرح نفسه عن السي في
ابا اسوي ابديت للسي في مالتي ..و انا ما سويتلها من مليون سنه
الحين من بديت ابيع زيت شما شاركت في كمن معرض الا و هم
القريه العالميه
مركز الاميره هيا
الجمعيه النسائيه
البازار و غيرهم بعد ما اتذكرهم
و شي منهم عطونا شهادات مشاركه
السؤال هو
هل احط مشاركاتي هاي في السي في
و اذا بحطهم في اي قسم
هل هو قسم Experience و الا مكان ثاني
انا ما ذكرت اني ابيع على النت اصلا في السي في ..شقا اذكر هالشي؟؟ اصلا احس ماله لزمه
بس المشاركات في المعارض احسها اوكيه كخبره و خربطان
السي في مالتي متروسه سوالف و واصله 3 صفحات و لو حتى احاول اختصر ما اقدر << وايد عندي خبرات اونه ههههههههه << و هذا بعدني ما سويت ابديت
فماااادري شو العمل
اكتب هالشي و الا ما يحتاي لان احس انه يفشل..و الا شو رايكم؟؟
شي ثاني عندي كمن موقع ..يحتاي احطهم و اكتب مثلا
Owner of the webpage, designed the internet webpage and published it online
و احطه مثلا في قسم ال Extra Curricular
Activities
احط و الا ما يحتاي ؟؟
افيدوني افادكم الله
ان شاء الله ما اوصل الصفحه الرابعه
الحين كل الموجود هو المختصر المفيد
و كله ماي اكاديميك باك جراوند ..ماشي خرابيط مني مناك
بس الحين مغرزه ما اعرف شو احط بالضبط بالنسبه للمعلومات اللي كتبتها فوق في الموضوع
بالضبط اختي خليه كله بهالطريقه رؤوس اقلام مع توضيح بسيط
عشان فالمقابله تلعلعين خخخخخخخخخ
ونصيحه لاتحطين معلومات شخصيه وايد اكتفي بالاسم والعمر والجنسيه فقط واذا تبين بطرشلج السيفي مالي واتبعي نفس الطريقه
بالتوفيق
مستحيل السي في مالي يكون صفحه..صدق مستحيل
انا دارسه هنيه و في استراليا
و في البلاد مليون مكان
و مشاركه في الف شي
ماشي في السي في مالتي مب مهم او تافه مثل الهوايات و هالخرابيط ..احس كل شي موجود له قيمه
لاني مشتغله قبل في الايفاليوشن مال السي فيات و عندنا المفروض ما يكون اكثر عن صفحتين ..بس اذا 3 صفحات و كلها اشغال مهمه بالعكس يكون شي امبرسف …يعني مرت علينا وحده بمواصفات السي في مالتي و على طول رشحناها رئيسة قسم..طبعا بعد الانترفيوو
المشكله احيانا ما تقدر تختصره بصفحة وحده
وخصوصاً لو كان نمط السي في امريكي ” Resume “
الشائع هذه الأيام انه بعضهم يسوون نظام مكس بين السيفي الأمريكي و البريطاني
و الأحسن الفصل ، يا اما الأختصار يا اما التطويل
ومن المتعارف عليه ان السيفي الأمريكي لا يترك شيئاً من جوانب الحياة
وبخصوص سؤالج اختي دبي دبيبي
الأخوه ماقصروا و خذي راحتج فالسيفي عادي لو دخلتي الصفحة الرابعه اهم شي الواحد يفتخر بلي تعلمة من هالدنيا
وانا اعاني نفس مشكلتج و السيفي شوي طويل لكنه مرتب
وبالتوفيق للجميع