سؤال عن خور نجد في خصب

21 thoughts on “سؤال عن خور نجد في خصب”

1. ااخوووووي مرحبا

   في البدايه الطريج مب بعيد بس احسب المسافه من دبي لراس الخيمة
   لان خصب تبعد عن راس الخيمة نص ساعه

   اما عن الطراد
   لاتعب نفسك
   لان فيه هناك يأجروووون ع حدود 300 الا 500 درهم مع النوخدة واحسن تأجر لان النوووخدة اعلم ببحرهم
   واما عن المبيت

   ترووووم تاجر شقق مفرووووشه ورخيصة وايد ماتكلف باليوووم 400 درهم
   اما عن الدكاكيييين والمحلات موجووودة قبل ماتدخل خصب وكل شي متوووفر
   واهل خصب ناس طيبين اغلبهم شحوووووح
   ومنطقه حلوووووة وايد ورووووعه
   اما عن اليراير موووجودة بس بعيدة وداخل الخليج ومب كبيرة ورحلة سعيدة

2. أشكرك يا أخ dududu

   و جزيل الشكر للأخ الصياد101 …الطراد بيكون صغير و مافي خوف ان شاء الله…سؤالي أنه هل في مواقع للصيد قريبه من المنزال لأن الطراد صغير….

   ملك البن والعسل: يوم بترد على التيلفون و ما بتغلقه يصير خير

   شكراً

3. السلام عليكم اخوي

   خور نجد من الاماكن الحلوه والمبيت فيها عادي مب خطر ولا ممنوع واما عن اليراير فيها بس داخل الخور بستة اميال ومب اكبيره طولها متر ونص الى مترين واذا انت اول مره تتعامل مع اليراير انصحك انك ما تجازف وخذ وياك واحد عنده خبره وغايص ويا اليراير .. واما عن الطراد هم بعد تقدر اتشيله وياك بس روح اول شي السفاره العمانيه تاخذ له تصريح دخول المياه الاقليميه العمانيه لكن اخبرك ترى نزول الطراد وطلوعة على خور نجد متعب ومحفوف بالمخاطر ومثل ما شفت الصوره منحنيات رمليه ومن الممكن انه يزلق ….

   اما عن الدكاكين ابعيده عنك وماشي دكان ثلج قريب منك يعني حمل عدتك من اهنيه من اكل وماي وبارد وفي ثلاجات يبيعونها بالسوق الصيني تشتغل على ولاعة السياره ومدة الطريج من ساعتين الى ساعتين ونص واسمحلي اخوي على اقصور ورحله سعيده ولا تفوتها

4. لاتنسى تسجل اسمي وياك ….. مب تنقع خيانه … ياويلك … بس لي طلب اتاكد من الريال انه ما يكون عنده امتحانات

5. و الله الشئ الوحيد الي أقدر أنصحكم به أنكم زورو المنطقة أول و أسئلو الأهالي، و حاسبو ترا خصب منطقة تهريب، و هناك قراصنة إيرانين، و الحظ العاثر ما تدري متي يضرب في الأنسان.

   بس خصب و لا أحلي منها و من أهلها، كرم و جود، و النعم فيهم

Comments are closed.