السلام عليكم
ممكن استفسر منكم يا هل دبي عن مؤسسة السواط يقو انه عنده فرص استثمار عقارية عن طريق المساهمة اقل شي 100 الف درهم للسهم وتلقى 5 الاف درهم الى 9 الاف درهم في الشهر ويزيد ربحك بزيادة قيمة سهمك.
والضمانات الموجوده شيك وسند قبض وعقد بينك وبينهم.
ياجماعة حد منكم يعرف شي عن الشركة هذي ومدى صدقها للعلم ان موقعها في دبي وتابعة لواحد سعودي ويقولون انهم يشتغلون في مشاريع عقارية تابعة لاعمار واخواتها داخل وخارج الدوله وان لهم تواجد في الدولة من عام 2000 وراس مالهم نص مليار وقالوا حتى في حالة خسارتك يعوضونك من صندوق التكافل الموجود عندهم ….!!!!!!!!!!!!!!
فهل حد من الاخوة تعامل معهم اما ان المسالة ادارة للاموال ثم xxxxxxx ………..!!!!!!!
والعجيب في الامر ان لها اعلان صغير بو 90 درهم في جريدة الوسيط وراس المال نص مليار يا اخوان انا ما اعييب عليها لكن عندي مشكلة في تركيب الاحداث وحسب تقديري جمعتها في مجموعة استفسارات وللي باذن الله نلقى لها حل حتى يستفيد الجميييييييييييع….!.!.!.!!
منقول من مشاركة العضو لدوله http://satfrequencies.com/invest/showthread.php?t=150938
بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين
السلام عليكم ورحمة الله وبركاته
اخوي الغالي كيفك ان شاء الله بخير
اول شي بقول اني شفت الخبر وسجلت من شان ارد عليك
انا عبود السواط ساكن بطائف ابوي واولد عمي من كبار التجار
بساعدك بس قبل سعدني
ياريت ترد ع اسالتي
من صاحب الاعلان وش اسمه ؟
هل الشركه دولي ام محدوده ؟
السؤال الاول مهم لازم ترد لي عليه وراح اجيب لك كل الي تبيه…
اما عن الخبر انه صغير هذا الي محيرني بس يمكن فيه سبب …
دمت بخير
اخوك عبووود العتيبي
عندهم تصريح من اي جهة حكوميه
وليش اعلان بو 90 ما يقدرون يبحبحون ايدهم شوي و ياخذون ربع صفحه في جريده رسميه ما يقولون انه عندهم نص مليار
شيك : عندي شيك من واحد و مطلع عيوني مم عارف احصله و عندي حكم محكمه عليه
سند قبض : سير اي مطبعه و تقدر تسوي دفاتر على كيفك و الاختام سوو الملون يطلع حلو شكله
عقد بينك وبينهم : بيكون عقد ما بتحصل منه شئ ورقه وبس زين حق السندويجات
يعوضونك من صندوق التكافل : الا شكلك بيلسونك جدام المسايد
و اذا عندهم نص مليار ليش ما يسون شركه عقاريه و يزيدون راس المال عن طريق الاكتتاب
و شو المشروع اللي يدخل على الاقل 60% في السنه لا يكون عندهم مزارع مخدرات في كولومبيا و محتاجين تمويل حق السماد
ابعد عن الشر وغنيله اخوي اذا تبا عندك البنوك الاسلاميه والصكوك الوطنيه يعطونك 20%سنوي
وتروم تشتري عقار بروحك وترجع تبيعه وتستفيد ولا هذيل الي شغلهم مشبوه
انا اقولك ليش الاعلان صغير
لان الجهات المختصه بالدوله ماترخص الشركات اللي ماعندها انشطه واضحه
الاعلان صغير عشان مايلفت الانتباه الى الجهات المعنيه بوجود مثل هذي الشركات
اليوم تم الاعلان عن اغلاق اكثر من 40 شركه استثماريه وتجاريه موجوده بالامارات متخذه واجهات تجاريه كستار وعملها بالاصل غسيل الاموال والمخدرات والاعمال المشبوهه
ملاحظه
المعلومه من وسائل الاعلام المختلفه المتواجده بالدوله
الحذر واجب ياجماعه الخير
ما عندي اي فكره اخويه .. وان شاء الله اخواني ما بيقصرون وياك