السلام عليكم ورحمة الله وبركاته
بعد ما كنت يالس ويا واحد من الشباب ويناقشني بأمور المباحث ( التحريات )
ركز على سؤال معين و قالي هل يحق لأصحاب التحريات في الشرطة في حال شكهم لشخص و الاشتباه به
أن يضربوه ؟
او يعلون صوتهم عليه ؟
بس بمجرد الشك والاشتباه ؟
واذا الشخص انظلم وانضرب على ايدهم لان السلطة في ايدهم وتبين عندهم انه لم يكن الشخص المطلوب
والمتهم او المجرم على حسب فهمهم
هل يحق للمظلوم والمنضرب على ايدهم أن يفتح بلاغ او يشتكي عليهم ؟؟
وأي جهة تقدر تاخذ حق المظلوم منهم ؟
مع العلم بأن الشخص اللي يشتغل في الشرطة قد يكون مسؤول عن تصرفه الطائش بعيد عن الأوامر
والتعليمات التي ينفذها
اخوي التحريات في عليها شويت رقابه وما يقدورا
لااكن فقط جهاز امن الدوله عندهم هذه الصلاحيات
ياخوي ما إختلفنا، حقوق الإنسان موجوده و مصانه دستوريا، بس هل التطبيق صحيح، هذا هو السؤال.
تذكر سالفة الحراس و قائدهم اللي حاكموهم في سجن دبي ؟
ما عرفوهم إلا بعد سنيييين من هالشي.
هذا اللي بغينا نقوله،
من الصعب إثبات حادثة الإعتداء ضد أفراد الشرطه.
أنا مثلا، إشتكيت على أحد أفراد التحريات بسبب إنه يتصل يسب و يسكّر.
في المركز قالولي إنهم ما يعرفون كيف يطلعون إسمه.
أنا بطريقتي طلعيتلهم إسمه و طلعت مكالماته (كان يستخدم تلفون مب ماله، مال هندي مسافر).
يعني أنا سويت كل التحريات المطلوبه و هم خبر خير.
وفوق هذا ما سوو شي، قالولي ودينا القضيه للتحريات عشان يشوفون،
و من يومها ما شفت شي.
في الأخير، أنا طنشت السالفه لأني شفت إنها ما تستاهل << مب لأنهم حلوها لي.
أن يضربوه ؟
ما شيء ضرب إلا إذا دفاع عن النفس
إذا قاوم و ضربهم أعتقد بياخذ 5 سنين سجن
او يعلون صوتهم عليه ؟
إذا علا صوته عليهم هم بعد بيعلون صوتهم مافيه مشكله لو الفريج كله ينش أهم شيء إيبون رأسه هذا موضوع أمني مب يالسين نلعب
بس بمجرد الشك والاشتباه ؟
إذا مشى وياهم بهدوء طبعا مابيكون شيء مشاكل وايد بس إذا عاند بيمشي غضبن عنه
طبعا يخوفونه عشان يعترف بس ماعتقد من هذي الأساليب الضرب بل التلويح باليد
بأنه سيضرب إن لم يعترف
طبعا في هاي الحالة ياخذون الإفاده ويمكن يكون خايف ويمكن يقول شيء يضره وعقبها
يتحول إلى وكيل النيابه وهناك يواجه بالأدله ومايكون عليه أي ضغط حتى مايكون شيء
عسكري أو يكون مكلبج جدام وكيل النيابه
إذا ماعليه سوابق وبس شاكين فيه بيدلعونه وبيوقفون وياه يوم بيطلع لا وأزيدك
من الشعر بيت بيحطون وياه مخبرين << نفس الأفلام المصرية يهتمون فيه في التوقيف طبعا هذا الكلام مب
عن اللي عندهم
سوابق هذا عن اللي يكون موقوف أول مره ويمكن يكون مظلوم
أنا أتكلم عن شرطة دبي اللي عندهم أساليب يمكن ماتخطر على بال حد بس عشان يوصلون
للحقيقة .
أنا أتكلم عن دبي .. الحين مافي هالسوالف .. وإدارة حقوق الإنسان التابعة لشرطة دبي موجوده واي واحد تعرض لشي يقدر يسير يشتكي على الشرطه …
وأنا اتكلم عن كل مكان فالعالم وليس في الامارات فقط
وليس عن دبي أخي الكريم
وليس وجود حقوق الانسان في دبي ،، يمنع من انهم يعتدون على سلامة الجسم
لأن هذه الامور امور شخصية وتصدر عن الافراد
وليست قانونية طبعا
ولكن مووووجوده ،، ولا يمكن أن ننكرها
وصحيح بأن الشخص يقدر أن يشتكي ،، ولكن الشكوى تتطلب دليل
والدليل مثلا لو أن الشخص ، حصله طرااااق
طبعا الطراق ،، يبين وقت الفحص الفوري او خلال عدة ساعات
ولكن بعد مرور يوما أو يومين فالتوقيف
تذهب آثار الضرب ،، ويطلع الشاكي كااااذب
وللعلم ،، أنا لست بعسكري
وأنا لا اقلل من شأن أي جهة أو مصداقيتها
لأنه كما ذكرت سابقا
الامور التي قد تصدر من الافراد ،، تكون تصرفات شخصية بحته
ولا يبيحها القانون
تحياتي
ما اعتقد ان من حق اي فرد من افراد الشرطه انه يمد ايده .. وهذا الشي معروف في الدوله