السلام عليكم و رحمة الله و بركاته
حبيت اسال كم سؤال و افتح موضوع للنقاش عشان نشوف اراء الأخوان و ارجوا الجديه في الموضوع و الصراحه و بدون زعل او الخروج ع حد الأدب و الأحترام للأ خرين في الردود 
1. في ظاهره ما اشوفها غير في بوظبي مول و المارينا مول ( لازم يدخلون لك الموقف من الممنوع و يلف بالعكس و يزحم الناس و ياه؟؟؟
2. بعض الشباب و البنات بعد يوم يوقفون في الموقف تحت يوقف لك سيارته في موقفين ( نحن عارفين ان الموتر غالي و انك حاط دم قلبك به و تخاف حد يشخطه بس يا اخي هذه الحركه ماتسوى لان غيرك وايد راكبين مواتر ب 300الف و فوق ومايسون نفس التصرف)؟؟؟؟
دخلت المارينا قبل 3 ايام لشراء حاجه و نزلت الموقف 2 و حصلت مناظر عجيبه و احد بنثلي ماخذ 3 مواقف و الثاني رنج في موقفين و ثالث Cl بعد في موقفين و الرابع هوندا اكورد في موقفين عيل اذا كل سياره في موقفين نحن وين نوقف !!!!!!!
كان اقتراح الجماعة اللي معايه بسياره شو رايك نكتب لهم ورقه ( محروم وطاح في عصيده) ؟؟
حسيت كلامهم صح صدق محروم و طاح في عصيده
3. اذا مرت فتاه و تعرضت لكلمه من الشاب :-
اذا ردت عليه استوت قليلة ادب
و اذا ماردت يقول ع شو شايفه عمرج
4. في قسم الماركات في المارينا شفت اشكال لا تخطر ع بال من الشباب كل واحد 17 او 18 سنه تطالعه ماتعرف وحده او واحد!!!!!
5. و البنات و ما ادرائك مالبنات اللي حصان ع عباتها من وراء و موديلات العبي زادت ع حد المعقول و الواقع ( لبسن عبيكن في المناسبات و الزيارات مش في سوق) لان هذا القصد منه لفت الانتباه 100% لا كشخه و لا غيره ..
سبحان الله نحن صدق في زمن الفتن
مع حبي
الشعالي
شكرا ع المشاركه الجميله و الردود اللي متوقعه بس شو ذنب الغزال صدقج والله شو ذنبه مسكينه بتسوي دايت عند نيوترشن و باجر بتستوي غزال
أنا شخصيا احترم البنات اللي بعبيهن التقلديه حتى لو لابسه شيله ملونه او شيله بتطريز خفيف
و فعلا باجر بيقولون شفت اخو فلان شو لابسه
الله المستعان
لا ويوم تقوله لو سمحت انا اتريا الموقف يطالعك بنظره احتقار و ينزل و يقفل سيارته و يسبك بعد و في النهايه لا هو من البلاد و لا من عياله مجرد دخيل بفيزه !!!!!
شكرا اخوي ع المداخله
المفروض المرور تخالف هذي السيايير لان في شارجه هذاك اليوم شرطي يشوف موقف موقف منو ظاهر عن الخط يكتبله مخالفه
تعجبني الشارجه
كل واحد فيهم يوم يبركن…يقول مب فايق اعدل السياره…
وبعدين عندي بنتلي محد يروم يفج حلجه….
والهندي السكيروتي بيشوف السياره بينطم مكانه من الخوف عن يطلع حد من الهاي الهاي و يفنشه..
..
عن عبي البنات حدث ولا حرج….
والقهر يوم تييك وحده دبببببببببببببببببببببببببه متيييييييييييييييييييييييييييييييييييينه
وعلى ظهر عباتها رسمة غزال
ليييييييييييييييييش شو ذنبه الغزال…
واللي يايه عباتها من فوق ليت تحت تلولش….ليلكيييييي ….ما خلت حبة فص و لا حبة فولك ما لصقتها على العباه
..وينعايشه الاخت… لابسه عباه و لا فستان عرس..!!!
نحن صح شيلنا مطرزه فيها سوالف ….بس سوالف بسيطه ما تلفت…وعبينا ساده حليلها لو كثرنا حطينا تطريز اسود…
من كثر مااسمع اخواني كيف يطنزون على هالنوعيه من البنات…قلت مافي يطنزون باجر علي اخواني و غير اخواني…
..
وعاد عن قوم ويدي خوز عنييي….
لا تعليق
هلا اخوي الشعالي
يا خوي هالمواقف في اكثر من مكان انشوفه وشبه يومي تقريبا
في نقطة حبيت اتكلم عنها
تتريا واحد يطلع من الموقف (باركن) وييك واحد ويوقف على طول فالموقف وانت تتريا من فترة حتى السيارة تتطلع من الموقف…………..
بالنسبة للعبايات حدث ولا حرج
الله يستر علينا