السلام عليكم
الكل يذكر يوم ما تم ايقاف التداول على سهم بنك دبي الاسلامي يومها وانا من الناس اللي ربحت واعتقد الكثير منا كان ربحان. فوجئنا بقرار صارم ومن لسوق بإلغاء تداول السهم بذلك اليوم. والحمد لله عنا جهاز رقابة وجهة اتخاذ قرار صارمة وسوقنا ابخير.
الحين وينكم يا يا اصحاب القرار يوم ما طاح السوق على روسكم وروسنا. ما نبى منكم تدخل ولا دعم مثل الديمقراطيين ولا الرأسماليين اللي تخلوا عن كل مبادئهم لأنهم بيفهموا اللي يصير مصيبة بس إحنا بعدنا مو فاهمين. اتعلموا من الشيوعيين العم بوتن وقف التداول لأنه مثلنا مو فاهم شو اللي يصير بالعالم فخليكم مثلة مادام موبفاهمين خلونا انوقف وين سايرين ذبحتوا الناس وفلستوا الشركات وراح ينعكس كله على الاقتصاد والافراد في القريب العاجل.
ليش ما نوقف التداول مؤقتا ؟
ما حجم تاثرنا ووضع البنوك لدينا من الانهيار العالمي ؟
لأي نقطة منتظرين نوصل حتى تدركوا حجم المصيبة ( اتعلموا من الكويت )
الجماعه تأدبوا بعد ما خسروا قضية و حالفين انهم ما يوقفون التداول مره ثانيه ..
الساده المسؤلين يقولون ان الانهيار عالمي ولا داعي لايقاف التداول بحجه انه يخلق حاله من الهلع…..على اساس للان لم يحدث الهلعوالسلامممممم