السلام عليكم ورحمة الله وبركاته
أيها الأحبة
لدي استفسار لمن جرب منكم تركيب أبواب منزله الداخلية (أبواب الغرف والحمامات) من عند الصينيين
ما رأيكم في جودتها ومتانتها ودقة التركيب
لأني لاحظت وجود فرق كبير في السعر بين الابواب المحلية (أسعارها تصل إلى 2000 درهم) والأبواب الصينية التي تصل قيمتها إلى أقل من 1000 درهم، وذلك لدى معارض الصينيين في شارع السيراميك في الشارقة عند تقاطع البي إم دبليو
أفكر في تركيبها لكن متخوف من موضوع الغش 
إتمنى ممن جربها أن يفيدنا
ولكم جزيل الشكر والتقدير
شوف أخوي.
الأشياء الداخليه في الباب تختلف من محل لـ محل في سوق التنين، لأن كل واحد منهم يتعامل مع مصنع مختلف (لو كان الشكل الخارجي نفسه).
لازم تعرف إن قطعة الخشب كل ما إشتريتها و هي كبيره، كلما كانت أغلى. و طبعا الخشب أنواع و كل نوع له قيمته. من هذا المبدأ، هم يشترون الأخشاب ذات الأحجام الأصغر و ايمعونها مع بعض و عقب يركبون عليها طبقه رفييييعه يسمونها “فنيير”، و هذي الطبقه هي اللي تعطي الشكل النهائي للباب.
بينما عندنا محليا، يستخدمون الأخشاب الكبيره و بدون ما يحطون طبقة الفنيير. و بصراحه أنا أشوف الطريقه الأولى تعطي الباب شكل أفضل.
و دامك بتستعملهم كـ أبواب داخليه للفله، فـ عوامل الطبيعه الخارجيه ما تأثر عليه.
بس إنته قبل ما تختار أي باب، إطلب سامبل من نوعية الأخشاب المستخدمه في هالمحل.
————
بالنسبه للمحل اللي تعاملت وياه، بطرشلك إسمه و موقعه إن بغيت عـ الخاص، لأني بصراحه مابا أسويله دعايا. و في نفس الوقت، كل المحلات تقدر تسوّي نفس الشي.
و هذا الباب اللي إخترته لفلتي.
عزيزي كيف باب اااش و سعره اقل من 1000 درهم
الاش ايك من 4000 و طالع
مر على الرحماني لمواد البناء بتحصل عندهم ابواب اسعارهم بين المحلي و الصيني
دبي موجود في هور العنز و في ابوظبي مجابل محلات التيلفونات
اذا تبغي تشوف ابواب محليه عندي نجار و من الممكن تتفاصل وياه و نطاق التغطيه عنده من ام القيوين لين بوظبي
و اذا تبغي تشوف شغله طرشلي رقمك على الخاص بوديك بيتي تشوف على الطبيعه ( دبي )
شكرا على الرد والصورة الجميلة بس نعال منو هذا
الباب اللي في الصورة شكله باب حديد أو ألمنيوم أنا أتكلم عن أبواب الغرف والحمامات اللي تكون عادة من الخشب
بارك الله فيك اخوي متعني ومتصرف على الرد
شو المحل اللي ركبتنهن عنده؟؟