سؤال : ليش الناس ماتي القرية العالمية مثل قبل يعني ليش ماشي زحمة ؟

59 thoughts on “سؤال : ليش الناس ماتي القرية العالمية مثل قبل يعني ليش ماشي زحمة ؟”

1. أنا صارلي 4 سنوات ما طبيت القرية لأني ما أداني الزحمة

   بس دام الزحمة خفت ألحين بسير

2. اولا البضايع اغلبا من سوق نايف ومرشد

   ثاني شي استوت مرتع للمراهقين .

3. 
   المشكله كلها في ادارة القريه اللي متخبلين على البيزات و كل سنه زادو الاسعار و لا شي تشجيع للمواطن و لا بطيخه ..حتى مشاريع دعم الشباب قبل لا تبتدي القريه يقولون تعالو سجلو و بنشل عنكم نص جيمة الايجار و يوم استفسرنا قالو دفعو رسوم تسجيل 7000؟؟ طبعا من دون جيمة الايجار الي بندفعها من جيوبنا ايضا..شو انتو كل شي عندكم ادفع ادفع ادفع؟؟

   الغاليه .. بالعكس أنا مشاركه هالسنه وماقالولي ادفعي رسوم التسجيل اللي هو 7000 درهم .. وحصلت على خصم 35% .. وفي خصم ثاني بيعلنونها قريب بعد ماتوصلهم الرسالة من مكتب الشيخ حمدان بن محمد طول الله عمره

4. مافي شي ايديد

   والاسعار امبالغ فيها بزياده اكثر عن العام ونصب عيني عينك

   وبعدين المحلات موجوده في البلاد فليش اروح القريه وادفع دبل، بروح السوق احسن لي وبدفع درهم للباركنج و بشتري وبرد

   ومافي شي ايميز القريه هالسنه وكل سنه اتكون اخس عن الي قبلها وايمصخونها بزياده في الاسعار

5. انا عن نفسي يوم اسير القريه ما اسوي شي

   اذا بشرب كرك بس

   والعام الماضي ماسرت لانه احس مافيها شي يديد

   اغلب البضاعه موجوده في السوق وعبارة عن ستوك واسعارها غاليه

Comments are closed.