مرحبا شخباركم …حبيت اسال من كم سنة كانت القرية العالمية دوووم زحمة حتى في ايام الاسبوع ولكن الحين القرية العالمية فاااضية ما عدا الويكند .. و ساعات حتى في الويكند ما تكون هناك زحمة ….
اكيد لكل وااحد منا وجه نظر … شو مستوي علشان ننقل الصورة لأدارة القرية العالمية و مشكورين
…
انا لاحظت ان الأعراض اللي في القرية العالمية هي نفسها في معرض اكسبو رأس الخيمة بس الواحد يسير يغير جو واحلى يوم ماشي زحمة
يمكــــــــــن لأنهم حرقو كرت القريه …
قبل كانت شهر واحد وفي وقت محدد من … إلى
الحين فاتحينها خمس شهور من شهر 11 إلى شهر 3
يعني المجال مفتوح متى ما يبون يسيرون بيسيرون …
موب متقيدين بوقت معين …
ويمكن لأن بضاعتهم كلها من الأسواق العادية إلي في دبي
وما في شي يديد … يعني كل البضاعه موجوده ومتكرره
بس مدبلين سعرها … من تخلص القرية بتلقى كل بضاعتهم
موجوده من دبي يعني ما في حد بيتحسف على شي من القريه أو إن ما شراه حزتها
والحين منو في القرية وإلي مسوين زحمة … ( الجنسيات الأخرى )
ولا إحنــــــــا ولا مفتكرين مع إن الحدث عندنا وفي بلادنــــــــــــــا …
أتوقع بسبب:-
الازمه المالية و السيولة… كل واحد يحافظ على بيزاته .
و عن نفسي ما دخلته و لا مره في حياتي بسبب:-
المحلات موجوده في البلاد فليش اروح القريه وادفع دبل، و ادخل الزحمـة؟
أنا سرت وما كانت زحمة وخذت راحتي والأسعار احس يعني نص نص
الناس ملت من القرية ومن الشي المتكرر والمفروض نلقى الأسعار أقل من المحلات اللي برع
زايدين أسعار الدخول 5 دراهم بدون خدمات اضافية
بالعكس حتى الخدمات الموجودة قبل بعد زايدين عليها الرسوم مثل عزكم الله الحمام …
عموما القرية هالسنة أحلى مافيها هو ان مافي زحمة
بل !! أنا كنت ناوي أسير القرية مع الأهل ..
هونت مب ساير ..