السلام عليكم
اكيد الكل قرا وعرف سالفه المستشفى الملكي في تايلندا والي وجهه رساله للمرضى الاماراتيين اما انكم تدفعون او تطلعلوون .. وبصراااحه انا ما احب اجامل ولا احب اكون في طرف معين…
بس السؤال الي محيرني ليش هيئه الصحه في الامارات ما تيب هالدكاتره وتعطيهم عروض يشتغلون مثلا في مستشفى خليفه او توام ؟؟ واكيد الي يستلمه الدكاتره في الامارات احسن من رواتبهم هناااك واكيد بيوافقووون… وبدال ما نخسر ملالاين في علاج المواطننين بالخارج نستفيد منها في بلادنا… وهالدكاتره بيعلمووون الطلاب وعقبها الدكاتره المواطنين بيسدون عمارهم….
غريب … عجيب … 
ذكيه صح… اذا بيسونها ما ارضى الا يعطوني حقي من فكرتي ويسدني مليوون بس
مساج الله بالخير عموه
راااحت عليج هذي الفكره كانوا يحاولون يطبقونها من زمان بس من دون جدوى نهائياً
وما كانت حتى فيه نتايج 1 % على هذي الفكره
لأنه بلدان الدكاتره لي تتكلمين عنهم ما وافقوا يعطونا إياهم إن كانت أمريكا ولا غيرها من بلدان ثانيه
وذلك لسبب حاجتهم الماسه للدكاتره والدكاتره لي عندنا نحن في لبلاد يعتبرونهم في أمريكا وغيرها
دكاتره من الدرجه الثالثه أو الرابعه ومب معترفين بعد فيهم في بلدانهم
وحتى إذا يابوهم ووافقوا أنهم يعطونا إياهم كم تتصورين يكون راتب الدكتور الواحد ومميزات الآخرى
و أنا أراهن الجميع على هذا الشي مستحيل أنه يرضى ياخذ مرتب أقل من 150 ألف دولار من غير الميزات الاخرى
من بيت وسياره وتذاكر سفر وبدل معجون أسنان بعد .
أنا أعرف حالياً دكتور مواطن يستلم بمايقارب 56 ألف درهم وفيه عنده مساعد من جنسيه غربيه يستلم ضعف
راتب الدكتوووووور .
ولهذا السبب إعيالنا مايرضون يكملون الجامعه في مهنة الطب لأنها ما إنوضع لها أي دراسات هيكله في السابق
وليس لها دافع واحد تشجع الطلاب لأكمال هذي المهنه .
وزيره قوويه شوي
وزرائنا فيهم الخير والبركه واكيد همهم المواطن اول شي وما ننكر فضلهم… بس لو نستغل تجارب امريكا واوروبا يعني يعني نسرق الاطباء بارادتهم يكون احسن مثل ما سرقوا العلماء ايام الخشبه
لو فيه حد يحاسب المتسبب في الاخطاء والتقصير
كان حصلت الامارات من الدول المتقدمه في العلاج
اغلب الي يتعالجون خارج الدوله كلهم بسبب خطاء طبي في مستشفيات الدوله
.
.
.
مو بهذي السهولة اختي
في شعوب ماتغريهم المادة أبداً ، و عندهم مبدأ العمل في بلادهم أهم بكثير من العمل خارجها ولو كان الأجر أكبر
.