السلام عليكم والرحمة الله وبركاته
حبيت اسئل اصحاب الخبرة بخصوص تعبئة البترول
انا اشتريت نيسان بترول 2010 وابا اعبي البترول من البريمي لان سعر البترول عندنا حدث ولا حرج وعلى كل تعبئة الفرق يوصل 60 درهم
وسؤال للاخوان هل تعبئة البترول في البريمي ( سلطنة عمان ) بيسوي مشاكل للموتر ؟
علما بان كان عندي لاندكروزر 2008 6 سلندر من 4 شهر وانا كنت اعبي من البريمي وما حصل معاي اي مشكله بالعكس حسيت الموتر استوى اقوى
وسؤال اخير في حال اي حد من الاخوان رد للموضوع وقال بان بترول البريمي يسوي مشاكل للموتر عيل اخوانا في السلطنة عندهم افخم واحدث المواتر وهم يعبون بترول ليش ما تستوي مشاكل في مواترهم .؟؟
اتمنى الافادة من اصحاب الخبرة ……….
مرحبا الغالي
عبي من البريمي وتوكل على الله ياشيخ
مرسدس س 500 2008 أعبيه من البريمي
إستيشن 2010 / 2011 نعبيها من لبريمي
كلوزر شاص 2010 أعبيه من لبريمي
والحياه سعيده
و لله الحمد لا مشاكل ولا غيرها
اللهم بس فيه ريحه بسيطه لا أكثر و لا أقل
اشكر جميع الذيابه عالمشاركات الطيبه
ويا عزيزي ( عتيم ) لو افول الموتر يكفيني اسبوع والبريمي تراها في نص العين مب من بعدها
ياريال عادي وهذا اللي يقولك يسوي مشاكل يخرط عليك بس مايرزالي اضرب خط لين البريمي اعبي بترول كل مره روحه يوم تدخل يبالك نص ساعه وتطلع كذلك
اخوي عبي ولا تحاتي
انا مجرب بترول عمان وبترول السعودية وبترول قطر والحمد لله كله تمام وهني اعبي الاحمر انا عندي فورد اكسبيديشن يعني امريكي و8 سلندر وعندي بعد رينو والحمد لله رب العالمين
توكل على اخوي وماعليك الا تشيك كتيب السيارة كم اوكتين للبترول الموصى به وامورط طيبة ان شاء الله
ياريال لا توسوس ولا شي .. الامور طيبه ^^
اوصخ بترول مال السعوديه و عندهم مواتر امريكيه بعد مب يابانيه .. و موديلات 1980 و لين يومك تشقح ههه