سؤلي لمن أجري عمليه في الركبة وبالتحديد الغضروف والرباط الصليبي

24 thoughts on “سؤلي لمن أجري عمليه في الركبة وبالتحديد الغضروف والرباط الصليبي”

1. اخوي اسمع نصيحتي انا سويت عملية رباط صليبي في الركبه قبل سنه و تميت في الفراش 3 اشهر شهرين تقريبا ما اقدر امشي من دون العكاز والجبيره الحديد الي تنلف على الركبه
   واشوف ان صعبه الواحد يسوي عمليتين بوقت واحد . لا وفي الركب بعد ؟؟؟!!!
   تبي نصيحتي ادري ان الدكتور اعلم بحالتك بس روح مركز ابوظبي لجراحة الركبه في مستشفى الريف الطابق الخامس عند الدكتور شارلز براون….ادري انك ما بتحصل موعد الا بعد شهر او شهرين بس نصيحه ترى عملية الرباط من اوصخ العمليات ويبيلك 3 شهور الى 6 شهور لين ترد تمشي مثل قبل….نصيحه شوف راي دكتور ثاني
   ترى العمليه صعبه ويبالك علاج طبيعي 3 مرات او 4 في الاسبوع لمدة 6 اشهر
   انا بصراحه متعجب كيف بتسير تتمرن وانت مسوي عمليتين
   في النهايه يمكن القطع عندك في الرباط بسيط مب قطع كامل مثل حالتي ففي هالحاله الدكتور ادرى بس تاكد وروح افحص عند دكتور ثاني
   والله يشفيك

2. انا سويت عملية غضروف ورباط صليبي في نفس الركبه عمليه وحده سويتها في مستشفى الزهرا عند دكتور هندي اسمه ديباك وثلاث من ربعي كانو مسوين عند نفس الدكتور قبلي والحمد الله رب العالمين الحين العب كوره ولا كنه فيني شي بس نصيحه …. لازم لازم لازم تتمرن عليها الدكتور بيعطيك كتيب من عنده فيه طرق التمرين الصحيح ولازم تمشي عليه واتم فتره

   لان واحد من ربعي سوا عملية الرباط الصليبي وما تمرن بعد العمليه ركبته ورمت ورد عند الدكتور سواله عمليه ثانيه

   تحمل على عمرك والله يشفيك انشاالله

3. عم امي ريال كبير بالسن في الستين سواها في ركبته اليسرى من شهر فى مستشفى صقر عن طريق دكتور زائر

   والحمدلله نحجت العملية

4. اعرف واحد من الشباب سواها في بانكوك والحمد لله الامور طيبه وربي يعافييك ان شاء الله

   شكرا على النصيحة وجزاك الله خير ،،،،

5. العياااده موجوده في ابوظبي
   بس في مركز متخصص لهذه الاصابات الرياضه
   ايضاا موجود في ابوظبي بس واايد زحمه عنده

   اماااا بالنسبه ثلاثة عمليات في نفس الوقت هو يتحدد
   على حالتك الصحيه وتقرير الدكتور لك
   لانه هو ادري بصحتك

   واذا في خاااطرك اي سؤال او اي مساااعده اتفضل
   ماا يردك إلا السااانك

   اجر وعااافيه ان شاااء الله

   شكرا على التواصل والنصيحة وجزاك الله خير ،،،
   تراني قبل 10 سنوات أجريت عملية الركبة في الرجل اليمني غضروف دكتور زائر ألماني بمستشفي دبي ما أذكر أسمه وقالي ترى عندك بتر في الرباط عموما قلت في نفسي مب مشكله بصبر ،،، فمرت الأيام وردينا للرياضه والنادي وشوى الرياضه عنيفة وسبحان الله ردت لى الإصابات فصبرت وصبرت لين ما وصلت لهذه الحاله ،،، الصراحة أمس كان تجمع عائلي في بيتي وقالى واحد من النسايب ترى صعب أتسوي ثلاث عمليات في وقت واحد لأنك أصلا بتحتاج للحركة فبتكون حركتك وايد صعبه ،،،، صدقه أذكر يوم سويت العلمية الأولي شهرين ما رمت أتحرك من مكاني أتحس ما فيك قوه على المشي ،،،،
   وأكرر شكرى لك على النصحية وجزاك الله خير

Comments are closed.