السلام عليكم ورحمة الله وبركاته

شباب:

ذكر لي أحد الشباب

أن السيارة اللي بتكون مرهونة للبنك .. بيحق لصاحبها السفر خارج الدولة .. عن طريق المنافذ الحدودية البرية ..
سواء كان مواطن أو غير مواطن ..

يعني سابقاً المرور والتراخيص ما كانوا يعطون .. ورقة تسفير إذا كانت السيارة مرهونة للبنك وعليها أقساط .. إلا بوجود ورقة من البنك تفيد بأن البنك .. لديه رصيد بقيمة الباقي من أقساط ..

أما الآن .. فهذا الشي ما عاد موجود .. يعني السيارة اللي مرهونة للبنك .. المرور والتراخيص بيعطوا لها ورقة تسفير … بدون أي كتاب من البنك ..

فهل هذا الكلام صحيح ..ولا خرابيط .. ؟؟

أرجوا منكم إذا في إجابة .. لا تبخلوا علي ..الله لا هانكم ..

والشكر مقدماً ..

أخـــــــــوكم

9 thoughts on “سؤوال .. وأرجو أن أحصل إجابة .. لا هنتوا يالنشامة”

  1. طبعا هالكلام غير صحيح

    من حوالي اسبوع ربيعي عربي مقيم و سيارته مرهونه للبنك .. البنك طلب منه يودع مبلغ 30000 (المتبقي على القرض) كنأمين قابل للاسترجاع بمجرد عودته مقابل ورقه عدما ممانعه من التسفير (دبي الاسلامي)

    أنا هذا اللي أعرفه .. لأن واحد من الأصحاب سافر السنة الماضية .. ما قدر يطلع ورقة التسفير من المرور .. إلا حتى جاب ورقة من البنك .. والبنك .. طبعاً أعطاه الورقة .. بعد ما أودع مبلغ يعادل المتبقي من ثمن السيارة …

    شكراً على تواصلك

    __________________

  2. ما يطلبون .. هالكلام كان قبل ..
    بس لازم تكون انت صاحب السيارة .. أو تاخذ توكيل من المحكمة من صاحب السيارة في حالة انك مب صاحب السيارة ..

  3. هلا اخوي

    اعتقد السالفة على حسب مزاج موظف الجمارك بالحدود

    انا سافرت كذا مرة

    مرات يطلبون ورقة البنك

    ومرات لا اطوف عادي

    بس ارجع اسال البنك أو اتصل مركز الدود وتأكد منهم افضل

  4. عن نفسي انا مواطن و سافرت بسيارتي الصيف اللي طاف مرتين من منفذ الغويفات و سيارتي مرهونه لبنك ابوظبي الاسلامي و لا حد قالي و رقه البنك ولا شيء

    يمكن هالسالفه طلعت بعد الازمه خاصه عالوافدين لانه فيه ناس شردو من الامارات و خاصه دبي

  5. طبعا هالكلام غير صحيح

    من حوالي اسبوع ربيعي عربي مقيم و سيارته مرهونه للبنك .. البنك طلب منه يودع مبلغ 30000 (المتبقي على القرض) كنأمين قابل للاسترجاع بمجرد عودته مقابل ورقه عدما ممانعه من التسفير (دبي الاسلامي)

Comments are closed.