السلام عليكم ورحمة الله
طبعا انا حاولت اوضح الموضوع في العنوان بقدر الامكان وقد ما يسمح فيه المكان المخصص للعنوان , المهم يا جماعة الخير هذا واحد من الأهل سار بيكتتب في دانة الغاز فقالوا له الجماعة في البنك انت مكتتب ومخلص شو يايبنك مرة ثانية , قال لهم أنا ما اكتتبت وأول مرة ايي البنك , باختصار ما سوا شي وبعدين اتصل بي يسألني قلت له حاول تاخذ صورة من نسخة الاكتتاب ومن خلال الحساب البنكي الخاص بالمنجر شيك بتعرف المكتتب باسمك وشوف لك حل وياه.
السؤال هل ممكن يصير الشي هذا , وهل اللي يقدر يكتتب باسم الغير يقدر يحول الاسهم باسمه بعد التخصيص .
ودمتم سالمين

12 thoughts on “سار يكتتب في الغاز فقالوا له انت مكتتب أمس وهو مايدري بشي!!!”

  1. ما في شي مستبعد
    دام ان بعض الناس لهم معارف في بنوك الاكتتاب ،عادي وعالبراد،
    ناس نحصل نسخ الاكتتاب عندهم في صندوق السيارة بالهبل
    وناس مساكيين يدورونها دواره ويرجعون من البنوك الساعة 8.30 صباحا ويقولون لهم مروا باجر خلصوا نسخ الاكتتاب؟
    وفي ناس وهي مرتاحه ما يحتاي تروح اي بنك ، البنك هو اللي يوصل لهم علشانهم يكتتبون هم والا يعز عليهم .
    وفي ناس ادور ادواره على الذين ما يرغبون يكتتبون ويسجلون باساميهم مع عرض خاص (ما في داعي تروح البنك بس وقع واحنا علينا الباقي )

    الله المستعان

  2. اصلا ما يحتاج شيك مدير ممكن يخصمون من حسابك اذا تكتتب في نفس البنك حتى لو الطلب باسم اي شخص

  3. اذا تقصد شيك المدير المرفق مع الطلب يصير ( يعني الطلب باسمي مثلا والشيك باسمك انت ويكتب رقم الشيك في الطلب واسم البنك وانتهى الموضوع )

  4. لا يا خوي مسأله ان الشخص يكتتب باسم شخص ثاني عادي بكل سهوله تستوي بس اللي مايستوي ان شخص ثاني يطلع شيك مدير باسم شخص اخر

Comments are closed.