السلام عليكم ورحمة الله
طبعا انا حاولت اوضح الموضوع في العنوان بقدر الامكان وقد ما يسمح فيه المكان المخصص للعنوان , المهم يا جماعة الخير هذا واحد من الأهل سار بيكتتب في دانة الغاز فقالوا له الجماعة في البنك انت مكتتب ومخلص شو يايبنك مرة ثانية , قال لهم أنا ما اكتتبت وأول مرة ايي البنك , باختصار ما سوا شي وبعدين اتصل بي يسألني قلت له حاول تاخذ صورة من نسخة الاكتتاب ومن خلال الحساب البنكي الخاص بالمنجر شيك بتعرف المكتتب باسمك وشوف لك حل وياه.
السؤال هل ممكن يصير الشي هذا , وهل اللي يقدر يكتتب باسم الغير يقدر يحول الاسهم باسمه بعد التخصيص .
ودمتم سالمين

12 thoughts on “سار يكتتب في الغاز فقالوا له انت مكتتب أمس وهو مايدري بشي!!!”

  1. فعلا مثل ماقالوا الشباب الأسهم بتنزل في المقاصة بأسم المكتتب ومحد يقدر يتصرف فيها إلا (عن طريق وكاله من المحكمة) ونفس الكلام بالنسبة للمنجر شيك يعني المبلغ المرتجع مايقدر يصرفة الا صاحب الشيك .

    بس الي محيرني كيف ها الشخص أكتتب باسم شخص ثاني بدون وكالة ؟؟؟ اوكي بنقول معارف و واسطة بس من وين ياب صورة من الجواز وخلاصة القيد ومعلومات المكتتب ؟؟؟؟؟؟؟؟؟؟؟؟؟؟؟؟؟؟؟؟

  2. المفروض هذا الشخص يفرح لأن بعد الإكتتاب بيتسجل الأسهم بأسمه و ما في حد يقدر يشلهم عنه

    كلام جميل، كلام معقول، ماقدرش اقول حاجه عنه

Comments are closed.