السلام عليكم ورحمة الله وبركاته

أتمنى حد يساعدني ، أنا أفكر أفتح محل ، والحمدلله رأس المال موجود بس للأسف ما أعرف كيف أتصرف ، يعني من وين اييبون البضاعه ، هل من برع البلاد ولا من تجار الجمله ، علما بأني سرت محلات الجمله وشفت أسعارهم غاليه ، ما بقدر أزيد أرباح عليها علشان تكون بضاعتي أسعارها مناسبه

ومن وين ابتدي أول شي

أتمنى حد يساعدني

ولو يكون في مكتب أو حد يخلص كل المعاملات خبروني الله يخليكم ، الحرمه ما تقدر تراكض في كل مكان

أنا طرحت هالموضوع في منتدى نسائي لكن للأسف ما استفدت

إللي يحب الخير حق عيال بلاده يساعدني

35 thoughts on “ساعدوا بنت بلادكم”

  2. مشكورين عالمشاركة

    أخوي دهن العود دام عندك محل ماشاءالله شو رايك تخبرني كيف فتحت محل ، يعني بالبدايه وين سرت ، أجرت المحل ولا بالبدايه ناخذ رخصه تجاريه ، ولا شو هي أول خطوة

    وياريت تخبرني بأسعارك ، وهل ممكن اني أزور المحل وأشوف البضاعه

    أخوي المطروشي أنا مستحيل أفتح شي يتعلق بالأكل وبالذات بعد شغل هنود وكرك والله لايسكرون المطعم والسبه نظافة المهنده

    وأتمنى يكون في تفاعل أكثر في الموضوع ، اعتبروا الموضوع يخص أهلكم ، والرسول صلى الله عليه وسلم يقول ( لايؤمن أحدكم حتى يحب لأخيه مايحب لنفسه )

    بنت بوعبدالله فديتج والله ماتقصرين أتريا الأخبار عالخاص يالغاليه

  3. الصراحة في هل وقت ماشيء الا الواحد يفتح لة مطعم ويبيع جاي كراك
    انا انصحج تبيعين جاي كراك وبراتا
    و سبزية
    وانا ميب يالس اتغشمر

    ايه والله هالمحلات مشاء الله ياخذون منهم لا كله ولا ملك الكرك اللي بالشارجه
    بس وايد محلات صايره تبيع هالشي

  4. اختي تعالي انا ببيع لج عطور وجلابيات بارخص الثمن طبعا عطور من الحرمين واجمل الأسعار وفرنسية وبخبرج هوعندي اصلا محل ببيع بضاعة

  5. الله يعطيكم العافيه انشاءالله

    بالنسبه لدراسة المشروع والله ما أعرف كيف
    :mmom:

Comments are closed.