السلام عليكم ورحمة الله وبركاته
أتمنى حد يساعدني ، أنا أفكر أفتح محل ، والحمدلله رأس المال موجود بس للأسف ما أعرف كيف أتصرف ، يعني من وين اييبون البضاعه ، هل من برع البلاد ولا من تجار الجمله ، علما بأني سرت محلات الجمله وشفت أسعارهم غاليه ، ما بقدر أزيد أرباح عليها علشان تكون بضاعتي أسعارها مناسبه
ومن وين ابتدي أول شي
أتمنى حد يساعدني
ولو يكون في مكتب أو حد يخلص كل المعاملات خبروني الله يخليكم ، الحرمه ما تقدر تراكض في كل مكان
أنا طرحت هالموضوع في منتدى نسائي لكن للأسف ما استفدت
إللي يحب الخير حق عيال بلاده يساعدني
السلام عليكم اختي
اول شي بالنسبه للاشياء النسائيه انا ممكن اييبلج الدليل التجاري لدول شرق آسيا تستوردين من هناك بس ما انصحج ……
تعاقدي مع شخص من الامارات اييبلج البضايع من برع وارتاحي من امور الجمارك والشحن …..
لانها امور صعبه وانا احاول اتجنبها
بس في بداية الامر حاولي تسوين دراسه بسيطه للموضوع
يعني دراسة جدوى بشكل مبسط
واذا تبين مثال لدراسات الجدوى انا مستعده ابعثلج بس انا مسويه دراسة جدوى لانترنت كافيه
ممكن تطبقينه على اي محل ثاني وتغيرين نوع البضاعه وتكلفتها
ادخلي موقع bplans.com
وخذي فكره عن المشاريع ودراسات الجدوى بتستفيدين
وانا حاضره لاي نوع من المساعده
سلامي
الاجراءات كالتالي:
1.عقد اجار
2.اسم تجاري من الغرفة.
3.البلدية وشلي معاج صورة الجواز والخلاصة.
4.البلدية بخبرونج شوسين بعدها.
لكن نصيحة خلج بعيد عن ويع الراس واشتغلي فالاسهم.
الاسهم الحلال طبعا
:^2: :^2: انا عني انصحج اتسوين دراسة قبل لاتسوين أي مشروع عسب اتردلج الفائدة باذن الله
والمفروض تفتحين محل او مشروع الناس محتاجة له موب شي من قبل موجود والتكرار موب في صالحج
تبين الشور ………
اذا عندج حد فاضي حق السفرات خليه يروح تايلاند يجيب بضايع من هناك ترا اسعارهم بسعر التراب
فضلا عن الاقبال على الساعات والشنط التقليد
بس هاااااااااااا
اذا حولتي محلك الى شركه مساهمه عامه ……… لا تطمعين وترفعين الحد الادنى للاكتتاب
سلام
:fffggg4: :t22:
مع السلامه