السلام عليكم ورحمة الله وبركاته
أتمنى حد يساعدني ، أنا أفكر أفتح محل ، والحمدلله رأس المال موجود بس للأسف ما أعرف كيف أتصرف ، يعني من وين اييبون البضاعه ، هل من برع البلاد ولا من تجار الجمله ، علما بأني سرت محلات الجمله وشفت أسعارهم غاليه ، ما بقدر أزيد أرباح عليها علشان تكون بضاعتي أسعارها مناسبه
ومن وين ابتدي أول شي
أتمنى حد يساعدني
ولو يكون في مكتب أو حد يخلص كل المعاملات خبروني الله يخليكم ، الحرمه ما تقدر تراكض في كل مكان
أنا طرحت هالموضوع في منتدى نسائي لكن للأسف ما استفدت
إللي يحب الخير حق عيال بلاده يساعدني
اذ ا ماعندج مبلغ كبير فانا اقول يا فقير لاتفتح مشروع وكتبت من زمان نفس الموضوع عن واحد حب يفتح مشروع وافتكر كل شي ببساطه كل ماراح وزاره خذو رسوم بالاف
الله يوفقج ماودي اكسر مجاديفج بس ادرسي ثم ادرسي المشروع واسالي عن الرسوم ورخصه المحل
الله يساعدج من قلبي والله
ختيه لو تشوفين موضوع الاخت الطموحة بتستفيدين لانها تشرح كل خطوة اتخذتها عشان تفتح محلها وانا صممت لها اللوجو للمحل ولوحة المحل وجان تبيني اصمملج طبعا بعد ما تفتحين محلج ترانا حاضرين..
السلام عليكم
اتمنى تكون لج زيارة في سوق مرشد في دبي ( سوق الجملة ) بتشوف انواع واشكال من التحف وبسعر الجملة
سمسار القلوب
اماراتية … شو رايج بفساتين الكويتية … مشروع جدا ناجح … انا من فترة سرت الكويت و يبت تقريبا 10 فساتين و بعتها و كانت الفايدة 3 اضعاف السعر اللي خذته من الكويت
السلام عليــكم
شحالج أختي؟
أنا أحب أنصحج إذا بتدخلين في هالمجال .. إنج تراعين الأذواق العامــة .. ونصحج تسيرين المحلات اللي تقدم نفس الخدمة وتشوفين الديكورات والبضاعه المعروضة ….
أنا معاج الايجار في عيمان أرخص … هذا لمصلحتج إنج تصرفين على الديكورات … وشوفي أقرب منطقة مجاورة لأهل عيمــان لأنهم هم الشريحة الأساسية في هالموضوع