السلام عليكم ورحمة الله وبركاته
أتمنى حد يساعدني ، أنا أفكر أفتح محل ، والحمدلله رأس المال موجود بس للأسف ما أعرف كيف أتصرف ، يعني من وين اييبون البضاعه ، هل من برع البلاد ولا من تجار الجمله ، علما بأني سرت محلات الجمله وشفت أسعارهم غاليه ، ما بقدر أزيد أرباح عليها علشان تكون بضاعتي أسعارها مناسبه
ومن وين ابتدي أول شي
أتمنى حد يساعدني
ولو يكون في مكتب أو حد يخلص كل المعاملات خبروني الله يخليكم ، الحرمه ما تقدر تراكض في كل مكان
أنا طرحت هالموضوع في منتدى نسائي لكن للأسف ما استفدت
إللي يحب الخير حق عيال بلاده يساعدني
أختي لو حبتي بضعة من سوريا انا عندي صديقة ممن تساعدج
بالتوفيق حبيبتي
شئ فيه اكل لا تفكرين
ليش ماتخيطين اشياء مميزه للنساء مثل الملابس داخلية وقمصان وللاطفال الرضع
زززيارة وحدة للصين منها تمشية ومنها تجاررة راح ترجعى وانتى بيدك مشرروع ناجح وجبار ولكن بعد ما تسوى دراسة لسوقكم ايش اللى مو موجود فية بس اني وي الصين راح كل شخص يروح يحصل فيها تجارتة واى فكرة جديدة
اماراتية … شو رايج بفساتين الكويتية … مشروع جدا ناجح … انا من فترة سرت الكويت و يبت تقريبا 10 فساتين و بعتها و كانت الفايدة 3 اضعاف السعر اللي خذته من الكويت
أنا كنت أفكر اني اييب بضاعة من سوريا “ثياب أطفال” ذات جودة عالية.. و أبيعها.. بس ما حصلت حد يقول لي كيف ممكن أييب البضاعة..و ممكن ينجح المشروع ولا.. و ما عرفت شو الأحسن!!
رديت أوني بشتري ثياب ماركة بسعر زين “بالجملة” و أبيعها.. بس مب عارفة شو الخطوااات.. أحس بعمري ضايعة!