ساعدوني الله يخليكم…احس اني بموت من الغصه

31 thoughts on “ساعدوني الله يخليكم…احس اني بموت من الغصه”

1. الصبر ثم الصبر ثم الصبر مثل ما صبر سيدنا أيوب عليه السلام
   مب كل انسان اتخرج لازم يشتغل هذا رزق من رب العالمين مثل مافي الغني فيه الفقير ومثل ما فيه الصاحي فيه المريض
   كل شي مكتوب ما اتعرفين يمكن هذا اختبار من رب العالمين يشوف صبرج والواحد ما يقول بنتحر عند أي مصيبة
   شو الاهم الوظيفة والا غضب رب العالمين!!!!!!!!!!
   اشتركي في المراكز الصيفية وفي مراكز تحفيظ القران القي محاضرات واذا عندج موهبة نميها سويلج مشروع حتى في البيت ممكن تشتغلين
   سويلج تجارة من النت ييبي بضاعة بالجملة وبيعيها في المنتدى والا افتحي غرفة في بيتكم واجري فساتين اطلبي من اللي عندهم فساتين ويبون يأجرونها وشوي شوي بتسولج بزنس وانتي مرتاحة في بيتج
   والاانسان دايما يسعى ويبحث وما ييأس

2. اختي ريمي

   حسيت بحرقة قلبج حبيبتي واللي وصلت لكل من قرا حروفج هني

   تأكدي ان رزقج محد بياخذه غيرج هالشي مكتوب لج من قبل لا تمشين اول خطواتج على الأرض وما اريد احس انج يأستي او استسلمتي لا اختي بالعكس كل يوم قولي الياي احسن واحسن وثقي بربج وان الرزق بايده وحده والتوفيق منه وحده فقط

   مب كل من اشتغل يعني خلاص حاز الدنيا ومافيها ! بالعكس يمكن ربج يصرف عنج سوء برفضهم لج ويمكن اللي ربنا صرفه عنج اكبر واسوأ من يلستج والملل اللي تحسين به

   لله حكمة في كل شي ونا ما اقولج هالشي من فراغ حبيبتي والله كل شي بأوانه لكن رب العالمين يختار للعبد اللي يصلح له كملي تعليمج اذا حاسة بالملل او ابدي مشروع تجاري بسيط او بزنس يناسب تخصصج ع النت اعرف بنات وايد بدوا مشاريع في العين والحمدلله ربي فتح عليهم

   ولا تقارنين نفسج بغيرج هذا الله عطاه ونا لا وهذي عرست ونا لا ! لا يالغالية مب جي المقاييس عن رب العالمين اولا هالمقارنة بتتعب نفسيتج وثانيا اخاف عليج انج ما تكونين رضيتي بقضاء الله وقدره ” فمن رضي فله الرضا ومن سخط فله السخط ”

   ولا تستهنين بالدعـــاء ولا تيأسين لان الله يشوفج ويسمعج ويعرف اضطرارج اسأليه وحده ولا تقولين ماشي فايدة بالعكس ابا قلبج هذا يكون كله تفاؤل بان الخير ياي وبيي قريب بعد ” ان الله عند حسن ظن عبده به”

   الله يفتح عليج ابواب الخير ويرزقج من حيث لا تحتسبين وعقبال ما اتيين هني اتبشرينا

   اختج ســــارية

3. الله يوفقج ويسر لج امورج ان شاء الله

   اختي عليج بكثرة الاستغفار ورب العالمين بيرزقج الخير كله

4. الله يعيينج اختي ويسرلج امرج الصراحه ماعرف ليش كل هالحقد ضد المواطن ويذلوونه يوم يدور وظيفه ….

   الله المستعان…وصبرا جميلا..آمين يارب العالمين
   ……………………………

   جزاكم الله كل خير…وهذا ردكم خلاني اصير اقوى واصر على طلبي وموقفي في الحصول على الوظيفه ان شاء الله ما بياس…من رحمة ربنا…بس شو اسوي يحبطونك ولا شي سبب لرفضهم لي بس جيه؟؟ الله كريم يارب ادعولي آمانه لا تنسوني..ربي يفرجها عليه

5. 
   خيتي انا عندي بنت خالتي دخلت ف مستشفى التوام من 4 شهور ..~

   ودخلت عساس انها متطوعه واشتغلت لمدة 3 شهور بدون رآإتب ..~

   عقب ثبتوهآإ واحين من شهر تدآإوم وتستلم رآإتب 16 ألف والحمداللهـ ..~

   لا وآإسطهـ ولا شي ..~

   واظني حسب ما سمعت احين شي دفعه يديده حوالي 40 شخص

   بدو من اسبوع الماضي .~

   وانا انصحج تروحين مستشفى التوآإم ..~
   

Comments are closed.