السلام عليكم
كيف حالكم؟؟ شو اخباركم؟؟ احس اني اليوم محبطه من الخاطر كل ما اقدم واسوي مقابله يقولولي لا مب مقبوله..انا ماراتيه ..مع انجليزتي زينه وكمبيوتر توووووب…عندي ورك اكسبرينس بالتقنيه والمدرسه..ع طوول بعد ما تخرجت من التقنيه… خذيت صيفي وبعدها…خذيت دوره بالشبكات…من عقبها …دخلت التوطين ضيعت سنين بس على امل نتوظف..وتدربت بالجوازات….وخذيت شهاده اي سي دي آل رغم اني ما احتاجها…والحين اقدم ارواقي بكل مكان بس القلييييييييييل اللي يتصل؟؟ مب معقوله…انا عندي دبلوم؟؟ اشوف ناس اخس عني ووظفوهم؟؟ انزين شو اسوي؟؟ وين اروح؟؟ برا العين صعب والله صعب…ولا اشكثرهن شركات بدبي وابوظبي يدقون..بس انا ارفض لان الاهل ما بيخلوني؟؟ انزين والحل ؟؟؟ بهذي المشكله؟؟ ست سنوات من البطاله تخيلوا؟؟؟ وانا اركض من شركه لشركه على امل توظفني …دايما من احصل اي شي اطرش واتصل اسال؟؟ بس مع ذاك ما شي؟؟ شو السالفه؟؟ ناس كملوا شهر وتوظفوا …انا ليش ادري رزق؟؟ بس لين متى حتى الصبر مل مني؟؟ شو اسوي؟؟ واسطه؟؟ يا ليت لو عندي؟؟ ما عندي غير واسطه واحد رب العالمين….حتى صيفي قدمت على امل اخذ خبره…بس محد يريدني؟؟ انزين يعني انتحر ولا اسافر؟؟ ولا اتريا لين الموت أيني؟؟ شو اسوي؟؟ الممل ذبحي والله العظيم…تخيلوا الفراغ يخليج عصيبه وما تتحملين حد وضايجه ومهمومه …انا ادعي ربي …بس ابا اشتغل مستعد لو براتب 1000 والله؟؟ ما تفرق عندي…خاص حكومي كمؤقت تطوعي …اي شي المهم اشتغل ….انا اكتب والله من غصتي بنفسي اصيح …لان كل ربعي اشتغلوا واللي عرست ..يعني التهوا الا انا ….مع اني احضر للمقابله واتوكل على ربي…وغيره…ادري رزق بس لين متى ؟؟؟ بتم جيه لا شغله ولا مشغله؟؟؟ حسبي الله ونعم الوكيل حسبي الله ونعم الوكيل …سمحولي انا ادري تكلمت وايد…بس شو اسوي؟؟؟ اشوف غيري يشتغل وانا موليه ولا تقدمت ولا خطوووه…انا صج ضايجه فيني الدنيا…احس اني بمووووووووت بموووووووت…اه ه ه ه ياربي ترحمني وتصبرني …
.
أختي العزيزة
الاستخارة مهمة في مثل هذه الأمور
وأمورج بتتيسر عقب الصلاة إن شاء الله وين الله كاتبلج الخير
الأخوان ما قصروا في ردودهم
ولا تنسين ركعتين في الثلث الأخير من الليل ودعاء من قلب العبد لرب العالمين
وراح تنفرج أمورج بإذن واحد أحد
.
الله يوفقج أختي ويسهل أمورج ويرزقج
.
فإذا ما صادفك إخفاق ما فتذكر أنك تسقط إلى الأمام لا إلى الخلف ، وسيكون ذلك خير دافع لك لمواصلة الطريق نحو النجاح ، واعتبر أن ما حدث تجربة نافعة أخرى وإن كانت مريرة .
تذكر أن أكثر الناس نجاحاً في هذا العالم هم أكثر إخفاقا في مستهل حياتهم ، لقد واجهوا الفشل بقلوب كالحديد ، وجعلوا من تجارب الإخفاق التي مرت بهم جسراً يعبرون عليه ، وتجربة يمرون عبرها إلى شاطئ النجاح المتلألئ “
من مقتطفات كتاب: 101 طريقة بسيطة لتكون ناجحاً مع نفسك
اختي زين يوم ماتوظفتي في البنوك الربويه
وان شاء الله الرزاق بيرزقج وظيفه طيبه على صبرج وتعبج
عليج بالاستغفار والدعاء وان شاء الله قريب انتي روحج بتبشرينا انج توظفتي
ماعرف شو اقول غير الله ييسير لج امرج
ويارت كلنا اليوم نذكر اختنا في الصلاة اليوم وندعي لها بالتوفيق
ان شاء الله بدعيلج اليوم ان شاء الله تتوفقين
لاتحاتي شي نصيبج بيوصل لين الباب بردي قلبج والله الرزاق ولاتحاتي شي
لاالعصبية والاالقهر بيسون شي
حاس فيج والله بس قولي الحمدلله على كل حال
الغالية
احسني الظن برب العالمين
(( أنا عند حسن ظن عبدي بي ))
نحن هل العين الوظايف محدوده عندنا وايد ,, ووايد يعتمد ع التخصص
يعني انا فالجامعة حولت تخصصاتيه كذا مرة لانها مب مطلوبة فالعين مع انيه أتعدى كورس والا سنة فهالتخصص
وع فكرة السي في اللي تقدمينه لهم وايد مهم ,,
وفالاول والاخير يالغالية ,, اروحج قلتيها عندج واسطة رب العالمين ,, اللي يمهل ولا يهمل
بس انتي ادعي الغلا
عرفي الغالية وحطي فبالج دوووم هالشي
اذ تصكرت أبواب الدنيا فويهج ,, فعرفي ان رب العالمين صكرها عشان اتين ادقين بابه