يا جماعة تعبت من كثر ما أسأل عن هالسيارة تويوتا تتندرا و محد فادني او محد عطاني معلومات واضحة
السيارة تندرا اربع ابواب ليميتد يعني جلد فتحة شاشة وكاميرا خلفية وغيره اللون ابيض ومن الداخل جلد زعفراني تعبت وانا ادور على هالمواصفات ومالقيتها لا تقولو لي بتلقاها عند معرض بن حوفان لي فشارع المطار لان سعره خيالي وطالب فيها اكثر عن 200 الف درهم سمعت ان ييبونها من امريكا بسعر وايد ارخص عن هني
بالنسبة للمعلومات الي اباها
اولا كم سعرها فامريكا شامل لين الامارات يعني كيف تم حسبة الشحن والجمارك
ثانيا كيف اطلبها من امريكا شو الاجرات والضمانات وكيف تم عملية الدفع
ثالثا كم يبالها لين توصل الامارات
رابعا لقيت بعض الانواع مكتوب عليها TRD يعني شو الاحسن اطلبها ليميتد ولا اطلبها ليميتد مع TRD
خامسا اذا حد مجربنها ياليت يخبرني بالمشاكل الي صادفته مثل الجير وغيره او اذا فيها اي عيوب ياليت يفيدني بها
سادسا كيف سواقتها فالبر يعني نفس النيسان والاستيشن ولا غير
ثامنا وين القالها قطع الغيار عشان ما اتوهق بعد ما اخذها
تاسعا اذا حد يعرف واحد عنده نفس هالمواصفات ويبا يبيع ياليت يخبرني
ياليت لي عنده معلومات يفيدني بها لاني مستعيل عليها
والسموحه طولت عليكم
أخوي أنا إتصلت بالريال من مده (يوم حطيت إعلانك عن السياره).
الريال يقول إن الموتر إنباع بـ180.
هذا للعلم فقط.
للرفع
للرفع
عندي واحد احمر لمتد + Trd موديل 2008 ماشي 1500 مايل يعني يديد عليه هيدرز ياي معاه, وغطا للكريل +شبك +دواسات + فل اوبشن واذا بخاطرك الموتر تراه موجود راسلني على الخاص
وينكم ابا فزعتكم
تسلم ياخوي Red 8123 لكن بخصوص الشاشة لي عليها اعتقد مبين فالصورة انها مب اصلية وماعليها علامة التويوتا
على العموم ياليت تراسلني عالخاص ابا اعرف كم مطلوب فيها وكم ماشية