السلام عليكم
شحالكم
بصراحه انا غيرت وظيفتي واليوم كان اخر يوم لي فالدوام الجديم
وقلت باخذ لي اجازه اسبوعين بريح
وابا اغير جو بس مابا شي روتيني
ابا اكشن
ابا اسير رحلة قنص الى غابات جنوب افريقيا
حد منكم سار؟ او حد منكم يعرف شركات سياحيه توفر هذه الرحلات؟
ياريت تساعدوني
واذا عندكم اقتراحات ثانيه لا تبخلون علينا 
مشكوورييين
انا سرت تنزانيا قنص من 3 سنين ترتيب صدق
متعة مابعدها متعة
لاتصدق باللي يقول لك روح اوربا ولا غيرة
ماشي بلاد مثل افريقيا
انا سرت مع شيبة دومة يسير بس رحلة
ابو الستاندر مافية كل يوم في بقعة وكل يوم راقدين عند حد اتقول لاجئين
بس تجربة لاتنسى
انصحك اتروح تنزانيا وخاصة اقليم اروشا هذة المنطقة فيها قصر للشيخ زايد الله يرحمة
ادخل النت بتحصل وايد شركات اوربية هناك اترتب لك الرحلة
يبيلك تسير ويا الوالد
اذا يبون حد في وظيفتك اليديده خبرني بقدم عندكم طفرت من وظيفتي ومن الواسطات اللي فيها تحياتي لك اخوي .
روووح شرم الشيخ…..ربي يوفق في وظيفتك اليديده
شو ياب طاري الرحله …. في القنص … في جنوب أفريقيا
هناك بدال لاتصيد حباري بتصيد دينصورات وأفاعي
خخخخخخخخخخخخخخخخخخخخخخخ
والله مشكله مالنا خبره في أفريقيا بس أن شاء الله تحصلك عضو زنجي يشرحلك الأجواء والطقوس في أفريقيااااااااااااااااااا
نصيحتي خذلك سفره حلوه وأسترخي فيها في لندن أو أستراليا أحسن من المغامرات إلي مامنها غير عوار الرأس