بـــــعـــد الســـــــلام والـــــــرحمـــــــه ….
واشحـــالكم يا شبــــــــــاب ويا بنات …يا حلوين ويا حلــــــــوات ……
مما لا شك فيــــــه بان النسبه العظمى من الموظفين منكـــــم
ممن يداومـــون في المكـــاتب …وعلى الكراسي والكمبيـــوتر ….
ويقعدوون بالســاعات ….وزين لو يتحركون لو شوي من مكانهم ….
وانــا طبعـــا من هذه الفئـــه اللي رمست عنها …..
والمشكله اللي انا تعرضــت لهــا وبغيت اطرحها لكم …والكل يستفيد ….
الا وهي ..التعـــرض لآلاام الظهر المبـــرحه ..من كثــر اليلسه ع الكرسي …
حيث اني من يومين تقريبا ..وفجأه ودون سابق انذااااار ..حسيت بآلام شديده في الظهر
حتى اني اليوم ما قدرت اركع ولا اسجد ….واحس ان ظهري متيبس ومتصلب ….
ويالس امشي تقول روبوت الكتروني …….والله آلام فضيعه …..
المهم انا بغيت منكم النصيحه شو الحل في ها الحاله …طبعا انا ما احب اروح مستشفيات …
وسرت اليوم السيتي سنتر عسب ادور مخده طبيه لاسفل الظهر ….لكني ما لقيـــت ….
اذا حد فيكم يعرف وين اقدر الاقي ها المخده الطبيه اللي تيي صغيرونه تحت الظهر ع الكرسي …
او عنده اي حلــــــــول طبيعيه للفكــاك من هذا الآلام الفظيعه والتي بدت تحرمني لذه النـــوم ….
ويــــــــزاكم الله خيـــــر مقدمــــــــــا ……والله لا يبليكم بمكـــــــروه ……
width=400 height=350
مرحبا اخوي قناص دبي
السبب الرئيسي لالام الظهر هو عدم ممارسة الرياضة
انا من الناس اللي وقفوا الرياضة من 2004 تقريبا..ودوامي يتطلب مني الجلوس امام الكمبيوتر لفترات طويلة..وفترة من الفترات كنت ادوام وادرس العصر..مرة من المرات فجأة ياني الم فظيع في ظهري طحت على كوعي وما قدرت اوقف على ريلي والالم كان شديد مجرد ما احاول اوقف..مت من الخوف لاني اتحريت عمري انشللت بعيد عنكم….المهم شلوني ودوني المستشفى وضربوني ابرة..3 ايام عقبها رديت اوكي…وبعد سنة تقريبا بعدة مرة ياني نفس الالم..هالمرة كان وايد قوي لدرجة اني كنت احبو شرات اليهال…صراحة زيااااااغ…
الحل في الرياضة..واذا ما تمارس الرياضة حاول تقوم عن الكرسي كل 10-20 دقيقة وتحرك…وحاول تختار نوع الكرسي المناسب للظهر لانه يلعب دور كبير..وايلس بشكل مستقيم..
حاليا تقدر تستعمل كريم فولترين..كل الدكاترة او مختصين المساج يستعملون هالكريم..
والله انا بعد من كم يوم حاس بالام بالظهر وخاصه من يوم ما استعملت اللاب توب لان الكمبيوتر خربان
عندنا واحد من الشباب يخبرني ان امه يتها الالم بالظهر وما اكترثت للموضوع يلين مازادت الحاله عندها واستوتت مشكله بالعمود الفقري ودسك وماعرف شو وبعدها تتعالج بالمستشفى الايراني بدبي
انصحك اخوي لاتستهين بالموضوع وراجع المستشفى الايراني يمدحونه الشباب
وماتشوف شر يارب
الله الله بعمـــــــرك ..انا بعد والله من ابتلشت بها اللابتوب تلعوزت اكثر ……
وتوني من ساعه كنت ارمس ربيعي عسب اسير اظهر لي بطاقه المستشفى الايراني ..
بس متعايز …ما اداني اسير المستشفيات خير شر ……
والله يبعد الشر عني وعنك وعن جميـــــــع السامعين …
مرحبا قناص دبي
افضل طريقه للعلاج ممارسه الرياضه لانها مفيده جدااااا
وصحه وعافيه
في دكتور امريكي في جميرا (بس ما اذكر اسم المستشفى) وايد زين
الله يعافيـــــــــــــك ان شاء الله
مرحبا الغالي بوينق ….انا ادور الحل السلمي ….ما بغيت مستشفيات …
ومشكـــــــور اخــويه ع المرور والمشاركه
الأخ قناص دبي أول شي شلونك وسلامات سلامات ما تشوف شر يالغالي
ثاني شي ألم الظهر ما ينسكت عنه بالمرة
ثالث شي دونك أي استشاري عصبية أو عضمية
لأن كان في واحد من أصحابي مسكين شفته بشهر رمضان ماسك فيه ألم شديد في الظهر
وآخر شي اكتشف أنه معاه الديسك عشان هذا لا تستخف بالألم لأنه يبدا بسيط وبعدين بيزداد
ولا مخدة طبية ولا بلدوزر بينفع نصيحتي الأخيرة : طبيب استشاري ولا تتردد في الموضوع