بـــــعـــد الســـــــلام والـــــــرحمـــــــه ….
واشحـــالكم يا شبــــــــــاب ويا بنات …يا حلوين ويا حلــــــــوات ……
مما لا شك فيــــــه بان النسبه العظمى من الموظفين منكـــــم
ممن يداومـــون في المكـــاتب …وعلى الكراسي والكمبيـــوتر ….
ويقعدوون بالســاعات ….وزين لو يتحركون لو شوي من مكانهم ….
وانــا طبعـــا من هذه الفئـــه اللي رمست عنها …..
والمشكله اللي انا تعرضــت لهــا وبغيت اطرحها لكم …والكل يستفيد ….
الا وهي ..التعـــرض لآلاام الظهر المبـــرحه ..من كثــر اليلسه ع الكرسي …
حيث اني من يومين تقريبا ..وفجأه ودون سابق انذااااار ..حسيت بآلام شديده في الظهر
حتى اني اليوم ما قدرت اركع ولا اسجد ….واحس ان ظهري متيبس ومتصلب ….
ويالس امشي تقول روبوت الكتروني …….والله آلام فضيعه …..
المهم انا بغيت منكم النصيحه شو الحل في ها الحاله …طبعا انا ما احب اروح مستشفيات …
وسرت اليوم السيتي سنتر عسب ادور مخده طبيه لاسفل الظهر ….لكني ما لقيـــت ….
اذا حد فيكم يعرف وين اقدر الاقي ها المخده الطبيه اللي تيي صغيرونه تحت الظهر ع الكرسي …
او عنده اي حلــــــــول طبيعيه للفكــاك من هذا الآلام الفظيعه والتي بدت تحرمني لذه النـــوم ….
ويــــــــزاكم الله خيـــــر مقدمــــــــــا ……والله لا يبليكم بمكـــــــروه ……
width=400 height=350
همممممممم انا اقول مافيك شي ويبالك غسال بعصا ياليييييييين يغمى عليك
وعقب بتعرف ان الله حق … ههههههه اللهم لا شماته … شو قتلي فيك مرض اللهم لابتلاء
بس تدري انا اقول لو تسير ويايه البر بوديك العزبه .. تكرم عندي جلب سلوقي بفجه وراك انت اربع وهو بيربع وراك يليييييين المغرب وعقب بردك البيت . بس مب بالسياره طبعا لاااااااا والف لااااااا برط ريلك بحبل والطرف الثاني بالسيارة يليين ماتمشي شرات الضبعه سيده وماتروم تلف يمين ويسار لووووووووووووول ..
احم احم .. بلايه اليوم انا :rofl:
الله يعافيك ويشفيك انصحك سير البحر كل يوم وتسبح اقل شي نص ساعه ..
سامحني على لقصور … ههههههههههههههه عقب شو عاد
الله بالخير ياقنـــاص دبي
باجر من الفجر سير المستشفى اعتقد اللي في جميرا (مستشفى الامارات )
والله يعافييييييك
بس انصحك لو شفت ماشي فايده خل كبير المستثمرين يحـــر الميســم ويوسمــك
وانت والخير رباااعه
قبل المستشفيات و المساجات و المخاسير
عليك بالسباحه
السباحه و بس و اسأل مجرب
انا كنت امووت من ظهري..ما كنت اروم اوخي حتى ..طبعا هالكلام سنة 2002
ما خليت اشعه و لا دكاتره
ماشي نفعني غير السباحه و خاز الالم و لا رد لين اليوم الحمدلله
دورلك اقرب مكان فيه مسبح << مب البحر طبعا لوول لازم مسبح عشان ما اتم ساير راد من المويه…و سير اسبح كل يوم و الا 3 مرات في الاسبوع
على فكره انا ما اعرف اسبح لووول
بس كنت ابلبط في الماي و اظهر و الحمدلله علاج ميه ميه و لا فراخ القمعيه
الله الله بعمـــــــرك ..انا بعد والله من ابتلشت بها اللابتوب تلعوزت اكثر ……
وتوني من ساعه كنت ارمس ربيعي عسب اسير اظهر لي بطاقه المستشفى الايراني ..
بس متعايز …ما اداني اسير المستشفيات خير شر ……
والله يبعد الشر عني وعنك وعن جميـــــــع السامعين …
اخوي ازيدك من الشعر بيت عندنا من بدايه شهر رمضان واحد من الزملاء بالدوام ظهره يعوره واهمله يلين ماطلع فيه الدسك والحين من شهر اجازه وامس مراجع عندنا عشان يصدق على الاجازه الثانيه اسبوعين وراح يسوله عمليه بمستشفى زايد العسكري ويقولي يمكن يقاعدونه بس بسبب الالم الظهر
اتحمل على نفسك وراجع يمكن يكون شي بسيط وبعدها يكبر بسبب الاهمال
مثل الالم اللي تيني احطلها لزجه للظهر (حاره طبعا) ومع الحركه والرياضه الالم يروح
ســلامات ..
مــا اتشــوف شــر ..
انتــه ما يبــالك مخــده !!
يبــالك عــلاج طبيعــــي ،، أو مســاج من اختــصاصي بهالســوالف ..
وفــي مــراكز متخصصــه لهــا الشي ..
وكحــل مؤقــت ،، يبــالك كمــادات دافيــه اتحطــها عــلى منــطقة الألــم ،، أو مســاج بــزيت زيــتون حـــار ..
مــا عليــك شــر ان شــالله ..
بتخبــــــرج يا الغــاليه …شو الفرق بين العلاج الطبيعي والمساج …….؟؟؟؟
والمشكله منو احينــــه متفيـــج يسوي لي مســاج ….الكل رقوووووووووووود ….
وانا سرت ابا ارقد ..ماكو فايده …..يالس اتلوى تقول واحد يرقص وهو راقد ….خخخخ ..آآآي