بـــــعـــد الســـــــلام والـــــــرحمـــــــه ….
واشحـــالكم يا شبــــــــــاب ويا بنات …يا حلوين ويا حلــــــــوات ……
مما لا شك فيــــــه بان النسبه العظمى من الموظفين منكـــــم
ممن يداومـــون في المكـــاتب …وعلى الكراسي والكمبيـــوتر ….
ويقعدوون بالســاعات ….وزين لو يتحركون لو شوي من مكانهم ….
وانــا طبعـــا من هذه الفئـــه اللي رمست عنها …..
والمشكله اللي انا تعرضــت لهــا وبغيت اطرحها لكم …والكل يستفيد ….
الا وهي ..التعـــرض لآلاام الظهر المبـــرحه ..من كثــر اليلسه ع الكرسي …
حيث اني من يومين تقريبا ..وفجأه ودون سابق انذااااار ..حسيت بآلام شديده في الظهر
حتى اني اليوم ما قدرت اركع ولا اسجد ….واحس ان ظهري متيبس ومتصلب ….
ويالس امشي تقول روبوت الكتروني …….والله آلام فضيعه …..
المهم انا بغيت منكم النصيحه شو الحل في ها الحاله …طبعا انا ما احب اروح مستشفيات …
وسرت اليوم السيتي سنتر عسب ادور مخده طبيه لاسفل الظهر ….لكني ما لقيـــت ….
اذا حد فيكم يعرف وين اقدر الاقي ها المخده الطبيه اللي تيي صغيرونه تحت الظهر ع الكرسي …
او عنده اي حلــــــــول طبيعيه للفكــاك من هذا الآلام الفظيعه والتي بدت تحرمني لذه النـــوم ….
ويــــــــزاكم الله خيـــــر مقدمــــــــــا ……والله لا يبليكم بمكـــــــروه ……
width=400 height=350
قبل المستشفيات و المساجات و المخاسير
عليك بالسباحه
السباحه و بس و اسأل مجرب
انا كنت امووت من ظهري..ما كنت اروم اوخي حتى ..طبعا هالكلام سنة 2002
ما خليت اشعه و لا دكاتره
ماشي نفعني غير السباحه و خاز الالم و لا رد لين اليوم الحمدلله
دورلك اقرب مكان فيه مسبح << مب البحر طبعا لوول لازم مسبح عشان ما اتم ساير راد من المويه…و سير اسبح كل يوم و الا 3 مرات في الاسبوع
على فكره انا ما اعرف اسبح لووول
بس كنت ابلبط في الماي و اظهر و الحمدلله علاج ميه ميه و لا فراخ القمعيه
تصدقين اذا قلتلج اني احيـــــــنه ارد عليج ها الرد …وانا لابس ملابس السبـــــــاحه ..لووول ..
توني والله راد من المسبـــــح من ساعتين يمكن ….اول شي سبحت 4 اشواط اوكيه …
وعقبها تيبست ..وما رمت اتحرك ………حتى اني يا الله يالله ربيعي ظهرني من المسبح ….
بس شكله يبالها ممارسه واستمـــرار ..مع اني عضو في نادي صحي ..ولكن رمضان وقفت …
ومشكــــــــوره بيبي دبي على النصيحه الترتوبيشن …….
ويبـــالج تيين نعلمج دوره في السبـــاحه والغوص ..والبحث عن الكرك والسمبوسك في اعماق البحار ..
مرحبا اخوي قناص دبي
السبب الرئيسي لالام الظهر هو عدم ممارسة الرياضة
انا من الناس اللي وقفوا الرياضة من 2004 تقريبا..ودوامي يتطلب مني الجلوس امام الكمبيوتر لفترات طويلة..وفترة من الفترات كنت ادوام وادرس العصر..مرة من المرات فجأة ياني الم فظيع في ظهري طحت على كوعي وما قدرت اوقف على ريلي والالم كان شديد مجرد ما احاول اوقف..مت من الخوف لاني اتحريت عمري انشللت بعيد عنكم….المهم شلوني ودوني المستشفى وضربوني ابرة..3 ايام عقبها رديت اوكي…وبعد سنة تقريبا بعدة مرة ياني نفس الالم..هالمرة كان وايد قوي لدرجة اني كنت احبو شرات اليهال…صراحة زيااااااغ…
الحل في الرياضة..واذا ما تمارس الرياضة حاول تقوم عن الكرسي كل 10-20 دقيقة وتحرك…وحاول تختار نوع الكرسي المناسب للظهر لانه يلعب دور كبير..وايلس بشكل مستقيم..
حاليا تقدر تستعمل كريم فولترين..كل الدكاترة او مختصين المساج يستعملون هالكريم..
يا ريال انا اسوي رياضه …..ومشترك في نادي صحي ومسبح …..
بس رمضــان وقفت ..والحمد لله انا وزني اوكيه لا متين ولا ضعيف ..
يعني عادي ومربرب شرات ما يقـــــــولووووووون …….
سلامات وما تشوف شر
انت بس خف الكرشه والامور طيبه
وعليك بلهت ديب في دكان تلااقين 🙂
الله يشافيك ويعافيك يا رب
الحمد لله ع السلااااااامه اخويه العيناااااوي ……
وهي والله صدقك ….آلاااااام غير شكل ……..يا ويلتي ويلتـــاه ….
بس انته الصراحه وهقتني …عطيتني خيارات وايده ..ما عرفت شو المفيد بالضبط ..
قلت لي ابره تخدير ..بروفين ..دهان ..مساج …حجامه …..
احيــــــنه انا محتــــــار ..وما اعرف شو اختـــــــــار !!!!!!!!!
شوووووف يالغالي
حل سريع : تروح المستشفى وتضربلك ابره
حل دائم :مساج وسباحة وحجامه
مرحبا قناص دبي
افضل طريقه للعلاج ممارسه الرياضه لانها مفيده جدااااا
وصحه وعافيه
وين رياضه يا الغاليه …..انا اليوم سرت المسبح …
وسبحت شويتين …وزين ما تيبست في نص المسبح …
اسميني ما رمت اظهر من المسبح ..لين ظهرني ربيعي ..