لي سنييييييين وأنا أســـوي كيــك وأحــب الكيــك واحلى مفاجأة بحياتي هو حد يعطيني كيك 
المهم أن كلمــا أســـوي كيكــة تطــلع مـــب حلـــوة !!!! 
كيــف مب حلـــوة أخبـــركم : الستــانــدرد عنــدي كيكــة بتــي كــروكــر اللي بالجمعيات 
اللي علب طحين وتسوينه بالبيت ..
طعمهــا لــذيــذ ولينــة الكيكــة ولمــن تتذوقينهــا يوصــل رائحــة الكيــك في داخل الروح والفم
يــلامــس جميــع الحـــواس والمشــاعر الانســانية بالدنيــا ( بكتب شعــر أحينــه ) من حبه 
المهــم كنت أبـــا أعـــرف هـــل حـــد فيكــم يعـــرف ليش لمــن نســوي كيكــة البيت
بالطحين الاماراتي أو الكويتي أو اي طحين عـــادي ريحتـــه ما تطــلع حلـــوة مثل كيكة بتي كروكر ؟؟؟
وليـــه كيكة بتي كـــروكر بس تطلــع هشـــه وتنتـــفخ وريحتهــا يآخـــذون العقـــل 
تعـــبت واللـــه وأنا من مـــوقع ليــن مـــوقع أدور على طريقـــة علشـــان اراوي الناس وجهي
لأن من وأنا صغيـــره وهــذي سالفتـــي ( الكيـــك ) وكلـــه كانت تبـــوء بالفشـــل 
ولمــن نجحــت أخيـــراً مهما حطيت فيها فانيلا ومنكهات وروائح وغير .. يظل ريحة الطحيــن والبيض فيه
أبـــي مســـاعـــدة رجـــاءاً
أختــــك تغــــرق في بحــــر الكيـــك ..
ســـــاعــــدونـــــي بليييييييييييييييييييييييز ..
للاسف مليش في المطبخ>>> اللي اعرفه اكل وبس
بالنسبه لريحة البيض تقدرين تتخلصين منها بطريقتين
يا إنج تستخدمين الفانيليا (تخلطينه مع البيض )
أو انج تستخدمين كمن حبة هيل مع البيض
وهذي الطريقة تنفع وياي
تعطيج ريحة وطعم يمي
وهذي مقادير الكيكه اللي أسويها :
2 كوب طحين أضيف عليهم
كوب وربع سكر ( أحياناً أزيده بالسرقه خخخ)
نص كوب زيت
بيضتين أضيف عليهم ملعقه صغيره فانيليا ( أو 3 حبات هيل )
الطريقة :
1. أخلط البيض والسكر لين مايصير لون الخليط أبيض ونفس الكريما
2. أضيف باقي المواد السائلة على الخليط وأخلطهم مع بعض
3. وآخر شي أضيف الطحين بالتدريج وأخلطهم لمدة لا تزيد عن 5 دقايق
واخبزيها بطريقتج المعتاده
وبتطلعلج أحلى كيكه
وإن ما نفعت معاج الطريقه غيري الفرن مالج
وعوافي ع قلبج خيتو
ماشاءالله كيك البيت مالنا
رهيب شوويييييه عليه
المهم اختي تابعي قناه فتافيت بتعرفين السر
نعم يختي ؟!!
طين !!
خخخخخخ
قلنالكم بنات هالأيام مالهن خص في المطبخ محد صدقنا
أخرتها طين خخخخخ
أم العيال تسوّي كيك ترف و لذيذ و ريحته تطر الخشم طر.
بسألها عن الطريقه و برد عليج.