لي سنييييييين وأنا أســـوي كيــك وأحــب الكيــك واحلى مفاجأة بحياتي هو حد يعطيني كيك 
المهم أن كلمــا أســـوي كيكــة تطــلع مـــب حلـــوة !!!! 
كيــف مب حلـــوة أخبـــركم : الستــانــدرد عنــدي كيكــة بتــي كــروكــر اللي بالجمعيات 
اللي علب طحين وتسوينه بالبيت ..
طعمهــا لــذيــذ ولينــة الكيكــة ولمــن تتذوقينهــا يوصــل رائحــة الكيــك في داخل الروح والفم
يــلامــس جميــع الحـــواس والمشــاعر الانســانية بالدنيــا ( بكتب شعــر أحينــه ) من حبه 
المهــم كنت أبـــا أعـــرف هـــل حـــد فيكــم يعـــرف ليش لمــن نســوي كيكــة البيت
بالطحين الاماراتي أو الكويتي أو اي طحين عـــادي ريحتـــه ما تطــلع حلـــوة مثل كيكة بتي كروكر ؟؟؟
وليـــه كيكة بتي كـــروكر بس تطلــع هشـــه وتنتـــفخ وريحتهــا يآخـــذون العقـــل 
تعـــبت واللـــه وأنا من مـــوقع ليــن مـــوقع أدور على طريقـــة علشـــان اراوي الناس وجهي
لأن من وأنا صغيـــره وهــذي سالفتـــي ( الكيـــك ) وكلـــه كانت تبـــوء بالفشـــل 
ولمــن نجحــت أخيـــراً مهما حطيت فيها فانيلا ومنكهات وروائح وغير .. يظل ريحة الطحيــن والبيض فيه
أبـــي مســـاعـــدة رجـــاءاً
أختــــك تغــــرق في بحــــر الكيـــك ..
ســـــاعــــدونـــــي بليييييييييييييييييييييييز ..
طريقة الخلط أحيانا تأثر في المقداير
فمثلا البيض لما ما يخلط زياده تظهر طعمة زفر البيض في الكيك
ولما نحاول نقصي الزلال عن الصفار احيانا يأثر بالطعم ايضا .
لكن لا ننسى نحن نقدر نسوي افضل من اللي برع لكن نفكر انه برع هي الأطيب
ماشاء الله
شئ جميل اختي راعية البروش ان تكون الكيكة من اهم اولوياتكم في الحياة
وهذا شئ يبشر بالخير في ضل تطور البنية التحيتة والمرافق الحكومية في الدولة !
وبخصوص الطريقة اختي :-
كل شخص له طريقته الخاصه وكيفية استصناع الكيكة .
والحل يا طويلة العمر هو التوجه لجمعية الأتحاد وشراء كريمة الـــ TNT
وخلط هذه الكريمة مع الطحينة وحبيبات من مادة البارود الأسود
من ثم وضعها في الفرن لمدة خمس دقائق فقط !!!
وبعدها ماعليكم غير انتظار النتائج المبهرة ان شاء الله
بالتوفيق اختي
مع تحياتي مطبخ بوشاهين الشعبي
هاتف رقم 2222222
فاكس رقم 2123432
عنوان بريد 4345
التوصيل للمنازل مجاناً
أووه دخلنا بالغلط
ما أعرف ليشش؟؟؟
سوي سيرش
او مادري اسألي بشكارتكم- حل آخر
بالنسبه لريحة البيض تقدرين تتخلصين منها بطريقتين
يا إنج تستخدمين الفانيليا (تخلطينه مع البيض )
أو انج تستخدمين كمن حبة هيل مع البيض
وهذي الطريقة تنفع وياي
تعطيج ريحة وطعم يمي
وهذي مقادير الكيكه اللي أسويها :
2 كوب طحين أضيف عليهم
كوب وربع سكر ( أحياناً أزيده بالسرقه خخخ)
نص كوب زيت
بيضتين أضيف عليهم ملعقه صغيره فانيليا ( أو 3 حبات هيل )
الطريقة :
1. أخلط البيض والسكر لين مايصير لون الخليط أبيض ونفس الكريما
2. أضيف باقي المواد السائلة على الخليط وأخلطهم مع بعض
3. وآخر شي أضيف الطحين بالتدريج وأخلطهم لمدة لا تزيد عن 5 دقايق
واخبزيها بطريقتج المعتاده
وبتطلعلج أحلى كيكه
واهم نقطتين:
لازم تكون المقادير دقيقــــــــــــة (بدون زيادة او نقصان)
وما تنسى اتشغل الفرن قبلها بفترة (ربع ساعة) حتى يكون حار
__________________
نعم يختي ؟!!
طين !!
خخخخخخ
قلنالكم بنات هالأيام مالهن خص في المطبخ محد صدقنا
أخرتها طين خخخخخ
أوهوووووو يعني الواحد ما يخربط
المهم حبيت انوه ان عجينة الكيكة ما تتخمر والمعجنات هي اللي تتخمر
__________________