ساعدوني مع مشكلتي اللي لها سنين ؟؟؟

26 thoughts on “ساعدوني مع مشكلتي اللي لها سنين ؟؟؟”

1. مايخصني في الطبخ

   بس مادري ليش ،، كل ماشوف رد راعية البوش أقول هذي شكلها دبه خخخخخ

   

2. أدري أن مـــا لي وجـــه اتكلــم معـــاكم شكراًلجميع اللي ردوا

   تـــرى الطبـــخ بالنسبــة لي شــي سخـــيف لأن أسهـــل شي عنــدي ماشاء الله والحمدلله

   لكـــن الكيــــك ( الــ… ما أدري شقــول عنه ) ما يضبط معــاي الحلويات بعد سهــله ..

   ولأن أنا ما اعرف أســــوي اقتباس بكل الردود راح أحط كــل اســم ومعــاه ردي ..

   sa554 : اخوي الطحيــن له ريحــه والبيــض بعد له ريحــة ( وقوية بالنسبة لي ) ..

   عين بوظبي : بيتنا يمه قولي 8 محــلات كيك بس أنا أبي من صنــع ايدي وحيــات عنيــا ..

   الشارجة 3000 : حاولت مثل اللي قلته من سنين ولا في فــايدة ( أقول لك فاشلة مع الكيــك )

   عود معطرر : حياتي حطيت بكن بودر وبيكربونات الصودا وغيره وفانيليا و هيل وزعفران … ( نفس الشي فاشله من القلب ) ..

   راعي التاهو : هيي انا بعــد أحـــب مقصــوف الرقبــه دآآ بــس هـــو ما بيحبنــيش ( شــو اسوي فيه جريمة ) ..

   متعني ومتصرف : تسلم جزاك الله خير اخوي بسوي الطريقة واشوف شــو يستوي معاي ( يا ويلك اذا فشل ) بنتحر ….

   ملون المعاني : ما يطوف كلمة وحده بنت تقولها يعلقنــا على طووول ومصـــر على تعـــدد الزوجــات قلت لي كم رقم الاهل ارسله لي بس أنت وتشوف ..

   سنين عمري : أبا من يــد مجـــرب مــا أبــا من طبيـــب .. تسلمين ..

   بين السطــور : جــزاك الله خير اختي وبطبق الطريقة وان شاء الله اشوف اي طريقة تضبط معاي ..

   الفيلق 69 : لــو بشكــارتنا تعرف مــا كنت منطســه سنين مب ضابطته ..

   الحر بوشاهيــن : هيي انا قلت لا يدش بو شاهين ويعفسنا عاليها واطيها دش وشرف اخونا

   إي ليش تبا تفجــر فيني مو حـــرام ترى أنا بالطبخ وايد زينه واضبط كل شي عدا الكيك !!! الكيك مالتك هدية مني لك

   ون مــوور : لالالا عنــدك فكــره بالطبــخ صراحتــاً خطيرين رجالنا بالمنتدى عندهم فكــره عن الطبــخ يا سلام

   المحتشرة : تسلمين على النصائح الحلوة وان شاء الله تضبط ..

   أنا بتــــرك المنتـــدى لأن فضيحتـــي مع الكيـــك كبـــرت صــح ومــالي وجــه أرد بعدهــا بأي موضــوع

   صــح ..

3. ترى الباكنج باورد هو اللي ينفخها ويخليها هشة وطرية
   تعجنين الباكنج باودر وباقي المقادير مع الطين واتخلينها تتخمر شوي في مكان دافي لين ما تنتفخ والباقي اتعرفينه

   عود…

   تراج زدتي الطين بله….!!!!!!!!!!!

   أأأقصد الطحين بله….!!!!!!!!!!!!!

   __________________

4. عدنا،

   شوفي يا راعية البوش. < < كيفي، أنا اللي يايب الخلطه و من حقي أقول اللي أباه.

   أنا سألت أم العيال عن الخلطه و قالتلي إن في أكثر من نوع، أي نوع تبا راعية البورش ؟
   قلتلها هذي تقول إنها عندها مشكله من سنين، فإنتي إبدي وياها بكيكه بسيطه، ما فينا يحرج ريلها و يفر كيكتها عـ ويها.

   فأنا تطوعت و إقترحت كيكة البرتقال، لأني أحبها وايد.
   فعطتني المقادير و الخلطه، بس أنا تهايزت هاك الوقت. و اليوم سألتني عن السالفه، فـ تذكرت و حطيتلج الخلطه.

   بصراحه ما جيكت على المضمون، بس إذا في أي نقعه، مشيها و اللي يرحم والديج.

   ************************************************** **
   المقادير :
   4بيضات
   ثلاث أرباع الكوب سكر
   ثلاث أرباع الكوب حليب نيدو
   ثلاث أرباع الكوب زيت
   ثلاث أرباع الكوب عصير برتقال
   كوب ونص طحين رقم واحد
   رشة فانيليا أو قشر برتقالة
   ذرة ملح
   ملعقتين طعام (كبيرة) بيكنغ بودر

   الطريقة :
   ضعي البيض والفانيليا في إناء عميق ثم إخفقيه جيدا ،أضيفي السكر إلى البيض واستمري بالخفق حتى يتجانس ويصبح هش ك الكريمة واستمري بالخفق ثم اضيفي الحليب يليه الزيت ثم العصير ،اخلطي البيكنغ بودر وذرة الملح إلى الطحين ثم اضيفي الطحين بالتدريج إلى الخليط وتابعي الخلط مدة 5دقائق ،اسكبي الخليط في صينية الخبز ثم ضعي الصينية بالفرن على درجة حرارة 160ْ لمدة ساعة

   ملاحظة :
   إذا أردتِ أن تكون الكيكة اسفنجية ناجحة ‘اخلطي مقادير الكيكه جيدا وعند وضعك الكيكه بالفرن ضعي صينية الكيك بنص الفرن يعني ما تكون فوق ولا تحت واتركي الكيكه لمدة نصف ساعة ثم بإمكانك أن تفتحي الفرن للتأكد من نضوج الكيكة ،إذا فتحتي الفرن قبل مرور نصف ساعة قد تفشل الكيكة وإذا أردت استوائها كليا اتركيها لمدة ساعة ……….بإمكانك استبدال عصير البرتقال بعصير الفرولة ونكهة الفانيليا أوقشر البرتقال بنكهة الفرولة.

   ************************************************** **

   و في النهايه، سلمي على ريلج و قوليله تر المتعني زعلان عليك. ياخي إشتر كيكه من المخبز و فكنا من الصدعه.

5. أنا قلت شئ مستوي .. كل هذا عشان كيك ههه

   أنا عادي أطبخها و تظهر لي أوكي منتفخه .. بعطيج نصايح

   أول الشئ المقاادير يوم تخلطينها تخطلينها بجهه وحده يعني من اليمين لليسار او العكس طوول فتره الخلط

   تخلطين البيض فتره .. عقب تحطين السكر تخلطينه فتره عقب الزيت و الحليب فتره وتحطين رشه فانيلا ( اللى تخوز ريحه البيض ) عقب تحطين الطحين والبكنج باودر بشويييش اخر شئ تحطين مقدار ملعقه كبيره بشر قشر برتقال او ليمون ( يخوز ريحه البيض بعد ويعطي ريحه برتقال او ليمون )

   تأكدي انه الفرن شغال قبل بربع ساعه لنه يلعب دور بالنفخ

   وصحتين وعافيه

Comments are closed.