سالفتي مع تاكسي ابوظبي (تاكسي لندن الشهير)

مرحبا بأخواني واخواتي الاعزاء اليوم العصر وان مودي الصبي الحلاق وشويه بالشارع الا تاكسي لندن قدامي بمنطقة المرور وقلنا ماشي حلاق الا نصوره حق المنتدى ومنيه مناك وهذي صورته وهو بالشارع

وبعدين قلت الحقه واصوره من الداخل ، وبعد اشارتين دخل مبنى الترخيص بالمرور وقلت اهنيه بصوره وصورته كمن صوره وهذي صوره

وشوي ودريول التاكسي يقولي ممنوع التصوير ويقولي عطني التيلفون لاني صورته بالتيلفون ولا بخبر الشرطه الصراحه مت من القهر وكان اقوله روح خبر الشرطه انته اهبل هذا تاكسي مش منشأه نفطيه او معسكر جيش ياغبي ، وشويه ولا شرطى في الباركن ، ويركض صوبه دريول التاكسي ويخبره الا وهذا الشرطي ياي يطلب مني الملكيه والليسن مال الهمر سيارتي ، وقلتله علشان شوه جان يقولي ياخي هذا الدريول يقول انك صورت التاكسي !!!!!!!!!!!! اهنيه خطر علي اضرب الشرطي والدريول لكن مسكت اعاصابي و كملت تصوير التاكسي من داخل بعد ولبست الشرطي ولا عطيته ملكيه ولا ليسن حتى سيارتي الهمر منتهيه ملكيتها ، وهذي بقية الصور


وحتى ولدي ايقولي ليش تصور هذي السياره وتخلي الشرطي والدريول يتنازعون معاك ، قلت له علشان الشباب يشوفون التاكسي بالمنتدى يعني في الكمبيوتر ، تعرفون شو قالي ، بكره بيشوفونه بالشارع وعند البيوت !!!!!!!!!!!!!!!!
الصراحه خلاني جوابه اتردد انزل الصور والسالفه لكن نزلتهن واسمحولي على الاطاله