السلام عليكم …
موضوع للمناقشه …
شو سبب ارتفاع اسعار كوَش الأعراس !!
كوشه ب 100 الف و 150 ألف … و مافيها غير ورود و بليوت ورا و ملبس ب خلقه .. !!
لها الدرجه الاستخفاف بالعقول … لو نحسب تكاليف هالشغله كلها ما تطلع اكثر من 5000 درهم
ويقولك لا ها المصمم الفلاني هو الي مصمم الكوشه .. !!
ولكن المشكلة في بناااااات هذا الاياااام
البنت ما تحب إلا المظاهر … والكشه جدام الناس
هاااااااااااي الكوشه مااااا حلوه .. غييييييرهااا لي … اناااا ماعجبتني
والرياااااااااااااال انت ادفع من دم قلبك ومااااا يهمك …. اهم شئ رمست الناااااااااااس
بصرااااااااااااحة هذا اللي يستوي هذه الاياااام
المفروض البنت تراااعي هاااذا الشئ …. ليش اتخلي حيااااتهااا كلهااا ديون ومشقااات
خيمة ب 5000 في اليوم و كرسي واحد فخم حق العروس و 5000 العشاء و 2500 ايجار فستان والحمدلله زوجة تنعد ب 10 رياييل……..
انا بعرس على الكوشة و لا العروس
قمة التبذير والمشكلة ان الناس بتتعشى وكل وحدة بترد بتقول لزوجها كوشة الفلان …. من الساعة 8 الى 11 يعني 3 ساعات واليوم الثاني انسى
والحرامية اصحاب الصالات و الكوش “ليلة العمر”
و المقاول و الأستشاري ” بيت العمر”
وياغافل لك الله و بعدين الريال بيدش على عروسه و بيشوف انها مكلفة عليه ديون واول مشكلة بينهم بيطلقها بسبب الديون… وسيروا المحاكم وشوفوا,,,
انا بفتح محل كوش احسن لي من الوظيفة و اسوي فرقة طقاقات الليلة ب 8000
العقل زينة يا ناس
كل واحد عقله في راسه وحر بنفسه اذا هو قابل يركب عليه ديون كيفه واذا عنده ويحب الخسر والمظاهر بعد كيفه
ممكن انحصل صاله بأقل من 30000
وممكن انحصل كوشه بأقل من 10000
وممكن انحصل صالون للمكياج بأقل من 5000
وممكن نحصل فستان عروس ايجار بأقل من 10000
ممكن انسوي عرس بسيط وراقي بأقل التكاليف بس المشكلة نحن ما نبا والمستفيد الاول والأخير هم
أنا ماخذ كوشة ب 6000 ومتحسر عالبيزات
مب لازم تاخذ أبو 150 ألف وتتشكى من جيمتها !!!