سبعه صنايع والبخت ضايع (أبي شوركم)

9 thoughts on “سبعه صنايع والبخت ضايع (أبي شوركم)”

1. متعني .. اعتقد اختي روعه تقصد بسؤالها هل ” تشتغل في البزنس او لا ” وما تحبكهاااش بئه

   لا أخوي، صدقني أنا مب فاهم بالضبط شو السؤال و هدفي ان يتم التركيز على طلبها و ليس على كلمة “بالتوفيق”.

   الأخت روعه من البداية ذكرت إن الكل قالها إن شغلها حلو، فما أعتقد إنها تطلب راينا بالشغل. لاحظ إني قلت ما أعتقد، يعني يمكن أكون غلطان.

   تدري ياخوي، الدخول في التجاره، مب مثل شربة الماي مثل ما البعض يعتقد. فأنا حبيت أنورها بأشياء قبل دخولها المجال. هذا إذا هي طلبت هالشي.

2. لحظه لحظه لحظه يا جماعه

   أنا اسمي مكتوب؟؟؟!!!

   

   خلكم شاهدين يا جماعه .. الاقتراح اقتراحي .. يعني لازم يكون لي ” كوميشين ”

   وانا مب طماع .. يعني باخذ ارباح اول خمس شهور بس

   متعني .. اعتقد اختي روعه تقصد بسؤالها هل ” تشتغل في البزنس او لا ” وما تحبكهاااش بئه

   أختي روعه ..

   ماشاء الله تبارك الله .. تغليفج ممتاز .. بس ما أدري انتي هل ناويه بس تشتغلين بالتغليف والا نفس ما كان في الاقتراح ( اقتراحي طبعا احم احم ) انك تغلفين وتبيعين؟

   يمكن ما فهمتي اقتراحي اختي .. انا كان اقتراحي عن العود اللي مب موجود عندنا وبما انك بمنتدى اماراتي فاعتقد بتلقين له طلب عندنا .. وثاني شي وهو المهم ان اغلب اللي يبيعون عن طريق المنتديات يعتمدون على التغليفات والا هم ما يسون شي من عندهم يشترون شي جاهز وهم يغلفونه

   بالتوفيق اختي ..

3. نسيت أخبرج شي

   أنا عشقي سوالف التغليف

   بصراحه ،، أستمتع وأنا أفتر في هالمحلات ،، ويوم اتكون عنا مناسبه وابا أغلف الهديه ،، أفرغ عمري يوم كامـل عشان أتنقى ،، وأحلى شي التغليف بال Rose

4. بسم الله الرحمن الرحيم

   ما شاء الله شغلج روعة يا روعة

   بعد التفكير العميق في الموضوع

   اشوف انج اتحطين فلتر زمني

   يعني انج تشتغلين لفترة على سبيل المثال 3 شهور

   وبعدين اتريحين شهرين

   فبتقدرين انج اتقارنين ما بين الفترتين

   وطبعا مع الاخذ بظروفج اللي محد عارفنها غيرج

   والحياة جدامج

   والمشاغل ما تخلص

   والنفس البشرية تهوى وتتمنى

   ويجب اشغالها بالمباح والطاعات والا أشغلتنا بالمعاصي

   آسف على الإطالة وعدم تنسيق الكلام

   أتمنى لج كل التوفيق

Comments are closed.