يوم إنتقلت لـ بيتي اليديد، حبيت أقدم على خط إنترنت.
لقيتهم حاطين عرض للموضفين على الـ elife 30M بمبلغ رمزي.
يوم قابلت المساح، قالي الـ elife مب موصّل فـ منطقتكم.
بس عندنا شبكه يسمونها GPON، تقدر تاخذ الـ 30M على الشامل.
أنا قلت مب مشكله، دامها ثلاثين ميجا في النهايه.
يوم ياني العامل، قالي ما أظن الجيبون اللي في المنطقه يقدر يعطيك أكثر من 4M.
أنا عصّبت، قلت شو ها، على الأقل عطوني نص السرعه.
المهم، عقب ضرابه طلعلي واحد و قالي أصلا منطقتك ما فيها GPON. 
قلتله و شو يعني ؟
قالي يعني أكبر سرعه نقدر نعطيك اياها هي 2M.
أنا هني قلت يا بوحميد إنطب أحسن لك، عن يعطونك 46K. خخخخخخخ
بس، و إتفقنا في النهايه على الـ 2M. 
و يوم مدّوا الكيبل فـ البيت و سوّيت الـ speed test، عطاني السرعه 500K.
وقتها قلت “حسبي الله و نعم الوكيل، من 30M وصّلولي الخدمه على 0.5M بس“، يعني ما حصّلت 10% من السرعه المطلوبه.
حصل لي موقف مشابه
اشتركت في خدمة الترقيه المجانيه لمدة شهرين لسرعة الإنترنت الشامل في العرض اللي صار شهر 9 اعتقد
واتصلت لخدمة العملاء اطلب الإشتراك وقالو لي اعلا حد تقدر تاخده 4MB والعرض اصلا كان على 30MB
قلت امري لله خلنا نجرب السرعه للعلم السرعه اللي كانت وياي 512KB
تمت الترقيه إلى 4MB واستخدمته فتره وكان بطيييييييييييء ودوم اسجل بلاغات على 101
وكل يوم يقولون بنطرش فني ومرات يقولون المودم عندك خربان واستمريت على هالحال شهريا ابلغ مرتين او ثلاث
لين ما عطوني الرد النهائي شهر 6 الماضي وقالو ان الخط عندك ما يتحمل اكثر من 2MB وعشان تتفادى بطئ الانترنت روح وسوي تنزيل للسرعه ( downgrade ) 
رحت برجع السرعه نفس ما كانت على 512 قالو لغينا هالسرعه الحين أقل شي 1MB
ورسوم تنزيل السرعه 100 درهم
نزلت السرعه وقدمت طلب استرجاع المبالغ اللي دفعتها وصار للموضوع اكثر من شهرين ماردو علي
كانت فاتورتي 179 درهم قمت جنيت على نفسي ورفعتها إلى 449درهم عالفاضي
والحين السرعه الجديده 1MB وفعليا اقل من 512 
لا تنساني الله لا يهينك بمعلومات الشركة لان عندي 8 ميقا اي لايف
وكل عام وانتم بخير
هههه اكيد شوف 13 تيرا بايت خلال سنتين بس الهارديسكات تشتكي عندي محلل ابو اشتراك الاتصالات و دو
عموما ارسلت لك رساله بتفاصيل الشركه اللي اتعامل معاها..
newbie
شو اسم الموقع؟ لو على الخاص
اعتقد هم ممكن يرفعون السرعة الى 100 ميجا لانه الالياف الضوئية موجودة، بس اظن الخطة انه توصل الخدمة للجميع و بعده يقدرون يرفعون السرعات
اذا ذكرت بسألهم باجر،محد بيحرق سيرفراتهم غيرك
حاليا عندي 16 ميجا من دو والسرعه عندي كامله توصل وراح اطور السرعه لما اشوف سرعات مقبوله مقابل السعر
بالنسبه للمواقع فيوجد مواقع اتعامل معاها تعطيني السرعه الكامله حتى لو كان عندي سرعه اكثر من 100 ميجا راح تعطيني السرعه كامله عندهم سيرفرات خاصه وسريعه غير نظام التورينت البطيء.
هذا كشف حساب لكميه البيانات اللي كنت انزلها لكل شهر بالقيقابايت
اغلب اللي انزله افلام BlueRay علشان كذا احتاج سرعه اكثر من حتى 30 ميجا حتى ينزل الفيلم بسرعه حين الرغبه بمشاهده فيلم.
بالنسبه للاخوان اللي عندهم eLife وانه محدود التنزيل ب 100 جيجا في الشهر فانا سمعت انه النظام موقف حاليا الى تاريخ غير محدد والله اعلم لو كان الكلام صحيح
لو كان الكلام غير صحيح فاي 1 جيجا زياده اتصالات تفرض رسوم 25 درهم لكل 1 جيجا مع تنزيل سرعه الزبون من السرعه الاصليه الى سرعه 1 ميجا بمجرد استهلاك 100 جيجا في الشهر .
اخوي بالنسبه لل eLife عشان تشتغل تحتاج جهاز GPON مركب عندك في البيت
يعني اثنينهم شي واحد ما فيه فرق بينهم
عندك جيبون يعني عندك الياف بصريه
وحسب علمي لحد الان ما وصلت الالياف البصريه للفيلل السكنيه العاديه
لكن للعمارات فهي واصله
لو ما كان واصل عندك الجيبون فاعلى سرعه ممكن تقدم عليها هي 4 ميجا وهي عن طريق الالياف النحاسيه القديمه
تحيات اخوك مجرب كل شي …