سريري يهتز .. ليش؟

والله الجني الي عندك ارحم …من الياثوم مادري شو اسمه ( قال لي اسمه مهند قبل سنتين)

المهم

كل فتره و فتره عافد لي مادري شو يبي

والقهر يوم ازاعج في رقادي محد يسمعني…مع انه في حد احيانا يرقد عندي …

امسات راقده في غرفة التلفزيون..وامي بعد كانت راقده هناك … وقريت المعوذات 3 مرات و رقدت..

مع هذا ياني بصورة شخص ادانيه…وكنت اتمنى انه يكون من نصيبي

المهم..تميت مال نص ساعه..هذا وانا راقده على يميني….يوم انتبهت انه هالشي مب حلم حقيقه..وانه اللي معاي اعوذ بالله..مب انس…طبعا ما فتحت عيني…بس تميت ازاعج و ازقر امي…وعقب حسيت اني ازاعج بس مافي صوت…وهو عاصرني و يقول لا لا صبري ما بأذيج انا احبج…لا صبري بعدني ما ابا اسير…ويعصرني….وانا ابا اسمي بالرحمن و اقرا المعوذات مب رايمه ..ما يخليني اخر شي قدرت اسمي و اقرا المعوذات….وفي نص سورة الفلق راح عني….
سألت امي الصبح قلت لها انا ازقرج في الليل ليش ما نشيتي تقول ما سمعت شي…مع انها على ادق صوت تنش…

هالشي ياني اول مره قبل سنتين…كنت ارقد بروحي ….
وكنت بعد راقده على يميني…ياني ورا ظهري…وطبعا كان شرات الحلم…وكنت بقول حلم لو ما نشيت و شفت اللي شفته…
ياني و تم يزقرني…قلت له منو ..قال انا اسمي مهند…انا اشوفج من فتره و عايبتني و حيبتج بس ما كنت اقدر اتقرب منج و ما القى الفرصه…وهو وراي…
قال انا بيي جدامج بس بشرط ما تفتحين عينج…لين اروح…قلت انزين…يوم ياني جدامي..حسيت انه السالفه فيها انه……وجان اسمي بالرحمن و هو يزاعج يقول لا لا لا تسمين لا لا….وتم ضاغط على ورجي وانا اقرا و اقرا ..واحس بالم على ورجي…وانا اقرا و اقرا…لين فجأه نشيت من رقادي و ايلس ولقيت نفسي في نص صورة الفلق يالسه اكملها لا اراديا…حسيت انه ما كان حلم كان صدق…
نشيت اشرب ماي .. حسيت بحرقان في ورجي يوم شفت لقيت بقعه بنفسجيه على ورجي نفس المكان اللي كان ضاغط عليه…..خفت و سميت بالرحمن…ومن يومهاما ارقد بدون ليت و لا بدون قرءان…
والحمدلله ما ياني في حجرتي لين سنتين…
وهالمره ياني وانا في غرفه التلفزيون…وفي هيئة ريال…

انا دوم كنت احس فراشي يرتجف تحتي….وما اهتميت لاني قريت في مجلة طبيه انه احيانا عضلات الجسم و الاعصاب هي اللي ترتجف يعني اجسامنا هي اللي ترتجف مب الشبريه ونحن نحس انها الشبريه…
لين في يوم من الايام اخوي رقد في حجرتي…وعقب نش و قال بلاها شبريتج ترتجف…هني قلت لا بالله السالفه فيها ان…بس طنشت..
دوم احس بحركه في غرفتي ..بس اقرا و اطنش …لين ياني مسود لويه و خوفني…
..

بس بقول لج شي….
تعرف يمكن السبب لانك تحب تقرا قصص الجن مثل ما انا كنت اسوي و احب ..

وايد كانت عندي كتب عنهم…واقرا في النت عن قصص الجن و جيه ..ز
وايام الاعداديه و الثانويه كنت العب لعبة الفنجان…(( تحضير قرائن))…
بس ودرت…من لاحظت انه اغراضي احطها مكان و القاها مكان ثاني….ومن الفنجان تطورت قمت اسوي بالقلم …
بعدها تم واحد فيهم معاي…احيد اسمه مصطفى..كان يغششني في الامتحانات..وكنت اعرف بعض الاشياء اللي استوت في غيابي…كان شرات الوسواس…لين تعبت نفسيا و عقب طرشته عني…
لانه كل ما اسال شي القى الجواب…تعبت..بس كان يوعيني للصلاه…و يتلو معاي القران…ويوم مطوع المسيد يقرا سوره كنت اقرا معاه وانا اصلا مب حافظه هالسوره…بس ما كنت اسمع صوت و لا اشوفه…بس احساس في قلبي شرات الوسواس…
بس في اوقات ما يكون فيها وياي يوم ادخل تكرمون الحمام ما يدش وياي و يوم ابدل ملابسي او حد من البنات عندي لو متحجبات يعقن حجابهن كان يروح…
يحليله كان مؤدب…

المهم…
طلع كل كتب الجن من غرفتك …وشغل سورة البقره و الصافات…يوميا في الحجره…
وحط قران صغيييييير في خلقه او كلينكس و لفه و دبسه في فانيلتك في الليل بالابره…
شرات ما قالت لي وحده من ربيعاتي لا تحطين القران تحت راسج لانه القران عادي ينسحب او يتحركك من مكانه…او حطه داخل غلاف المخده دبسه فيه…

وما تشوف شر ولا جن ان شاء الله

أخي الغالي الملح ماله علاقة بالجن يكفي القرآن الكريم ( مسألة الملح للأسف الشديد منشرة ها لأيام ) وحديث الرسول صلى الله عليه وسلم ( لا تجعلوا بيوتكم قبورا ان الشيطان يفر من البيت الذي تقراء فيه سورة البقرة ) والحديث واضح لا في ملح ولا شيئ غير سورة البقرة ……….للعلم
وشكـــــــــــــــــــــراً

شوف اللنك ياطويل العمر

http://www.khayma.com/roqia/page13.htm

ياخوي الحينه بدال ماتفرح انه في حد يوعيك للصلاه وفي نفس الوقت يسليك اذا كنت متضايج.. على طول تبا تيبلة مطوع واتشردة.. اخخخخخخخخخ لو اتسلفني اياه بتسوي خير .. انا المشكلة محد عندي يوعيني للصلاة الا جان بتعطيني جنيك وانا بعطيك شيطاني والله بيخليك ترقد لين المغرب عادي..لاصلاة ولا عبادة

صدق اللي قال : اللي عنده جني ومحيرة يشتري حمام ويطيره

تبا نصيحتى حط الشكر مع البوتاسيوم مع شوية صوديوم فى الغرفة
و الجنى بيطير من عندك

سكنهم مساكنهم

58 thoughts on “سريري يهتز .. ليش؟”