السلاام عليكم …
ماعرف وين وكيف ابدى … بعض من الاعضاء الاحباء طلبوا مني سر تعلمي للرمسه الاماراتيه والمدة القياسيه مقارنة بالاخوان العرب الوافدين .. عشان جي بقولكم السالفه من بدايتها .. الامارات بلد عربي والنعم فأهله وكرمهم وطيبتهم .. بس تعرفون اي انسان يحب بلده والمكان الي كبر وتربى فيه .. تحديدا وصلت لامارات الحبيبه لاول مره عام 2005 وصدق كنت مضايق ع فرااق اهلي وربعي .. بس ما نروم نخالف الوالد .. يباني ادرس فأحسن جامعه .. وبعض التجار مدحوله احدى لجامعات لامريكيه فالدوله .. وعاد انا لا حول ولا قوة .. ماشي نقاش .. بس تنفيذ ..
المهم اول يوم جامعه .. خخخخخخخ … الحبيب داش انكليزي .. انا روحي .. نص كلاسي من شباب الامارات (ما اخبركم الشباب ماخذين الكورنر عند الدريشه مسوين شله) والنص الثاني من لاخوه الايرانين.. وانا فالنص .. ودام ان الابله لبنانيه .. الشباب كلهم يبون يقردنوني عشان ارتب وضعهم وياها .. ههههه … وهني بدت علاقتي ويا الربع .. وطلع علي لقب “خيووو” كل ماحد يشوفني “كيفك خيوووو”…. ومع الوقت بدت لطلعاات والميالس والورقه .. وعاد حمووود كبش الفداااء 
يتريوني على كلمه وتستوي حدث الساعه .. وينقع الضحك طول اليوم .. وتعليقهم الوحيد ان الرمسه اللبنانيه ناعمه .. وهالشي كان يقهربي واايد .. ومع الوقت بدوا الشباب يعلموني بعض المصطلحات .. وبديت اتعلم بسرعه خاصه ان كل يوم مجابلنهم .. خخخخ .. ويوم انقع اسمع كلمة “طاااخ” ويصلحونلي … ههههههههههههههههه ايااام حلوه كانت .. ذكرتوني فسالفه استوتلي .. يالسين ميلس واحد من الشباب .. وابى اقول حق واحد “يا صخله” وجان اغلط واقول “يا صلخه” كنت مستانس اني تعلمت كلمه يديده .. ولين يومكم هذا يوم يذكرون الموقق ينقعون من الضحك … ههههه والحمدالله مع الوقت تعرفت على واايدين من اهل الامارات .. وتعلمت عاداتهم وتقاليدهم … ومعظم اكلانهم … من عيش ولحم .. مالح .. صالونه دياي/لحم .. هريس(ها ما حبيته واايد خخخ..).. وعرفت من معظم العوايل الاماراتيه .. وبديت اميز بين رمسة وشكل البدوي والعربي والعيمي والبلوشي… خخخخ الله يهداهم بعد علموني سوالف لمغازل والترقيم .. وبعدين الاهل يوو واستقروا هني والحمدالله مرتاحين ونحس عمرنا في بلدنا الثاني .. وهااي كل السالفه …
بس اسمحولي عندي سؤال فنتك اشوي … بخصوص اهل العين .. عندي ربع من هنااك .. وفي شي يمكن ما يضحك .. بس انا دووم يوم اتلاقي وياحد منهم لازم اضحك. ماقدر ايود عمري … وابى اعرف السر .. اول شي صوتهم الغليظ .. والاستقبال … سالفة الصوت انمشيها .. بس السلام هو المشكله الي اضحكني … اول ما اتلاقي ويا اربيعي قوم العتيبه … “هلا والله .. يا مرحبا .. يا مرحبا .. بامرحبابك بوجاسم .. يا حيك والله .. ياحي من زارنا .. شخبارك .. اعلومك .. شو مسوي .. عساك بخير .. يا حي الشباب..” ههههههههههههههههه الريال يتم يرمس ساعه وانا بعدني ما رديت السلام .. وما اخبركم الصوت الغليظ والرمسه الطويله … عادي تمر 5 دقايق وانا بعدني ما قلت كلمه …
والسموحه منكم .. طولت عليكم ..
LOoOOooOoL
والله ايام انا كان عندي واحد من الربع لبناني
اسمه ولا دون نسميه ولد عزام صراحة يعرف
مصطلحات غريبة ودايما كنت اسئلة عن بعض
الكلمات الي من تراثنا ما اعرفها
بس صراحة ايام ما تنسى
يا مرحبا وسهلا اخوي ام ام ام << ليش تطولها وهي قصيره ام وحده ما تسدك
ماشاالله عليك بصراحة تعلمت الرمسه فوقت قياسي شي طيب
تسلم ع الموضوع المممتع
كل الود
دبي بيبي الحمدلله ع السلامه تولهنا عليج وين الغيبه ؟؟
* صلخه *
ذكرتني بعبدالحسين عبد الرضا
و الله ياخوي سالفتك صدق ممتعة ،
يااا مرحبابك خيوووووو
احد مواضيعي
يا حيك و الله
سالفه ممتعه خصوصا سالفة الصخله
و فعلا ماشاء الله هل العين يحبون يرحبون و ما يعطون الواحد مجال للرمسه << لاحظت هالشي
يا مرحبا بك والله ملايين و لا يسدن في ذمتيه ذمه لووول