السلام عليكم ورحمة الله وبركاته
الاسعار معروفة للجميع الاي فون في بريطانيا 600 باون اضربها في 5.9 لانك تستخدم تحويل بنكي او بطاقة فهذا اقل معدل للتحويل و النتيجة هي:
3540 درهم
تضيف له شحن و تامين على الشحن ويكون بمعدل 150 درهم يكون المجموع هو
3690 درهم
ياتي التلفون للجمرك و من يشوفون اي فون 4 ياخذون منك بدون رحمة و اقل شي 150 درهم اذا ما حسبلك الشحن فيكون عندك المجموع هو
3840 درهم
هذا بالاضافة لمصاريف النقل الداخلي وما الى ذلك وانت تستطيع ان تحسبها بينك وبين نفسك يعني سعرك مستحيل تاجر يشتغل فيه
اما اذا كان التلفون مغلق فالسعر يختلف وهذا التلفون به مشاكل لانك تعتمد على برامج قرصنة تتوقف عن العمل باي لحظة ويصبح عندك حديدة بلا قيمة.
تحياتي و تقديري لك وموفق ان شاء الله
تبريرات فاشله حتى ترضى الناس بالاسعار المبالغ فيها
و فالنهايه المنتدى ما يتبع مؤسسه تجاريه
ف ما يخصك ب اراء الاعضاء
سواء كنت تاجر خارج المنتدى او داخله
^^^^^
توفرلي بـ3000 نفس ما ذكرت ؟
أو من وين؟
اخوي أنا أعتقد الموضوع يكون مجرد لبس لا أكثر
الالتباس يصير لان بعض الناس بحكم قلة المعرفة بالجهاز مرات يخلطون بين الـ16gb والـ32gb
فيكون شاف 16gb بـ4000 ولما يشوف 32gb بـ4200 يقول سعرك غالي وانا محصل أرخص و و و … إلخ
بدون ما ينتبه
1- لفرق الحجم بين 16 و 32 ..
2- أو الفرق بين جهاز مفتوح رسمي ولا مفتوح بجيلبريك ..
3- أو الدولة اللي التاجر ييب منها الآيفون لأن السعر يختلف من دولة لأخرى !
ودامك دخلت في تفاصيل الأسعار أحب أوضح نقطة مهمة …
صح بريطانيا سعرها بيطلع حوالي 3500 للـ32 مثل ما ذكرت .. وسعرك 4200 مع الشحن وكل شي معقول *لأجهزة بريطانيا*
لكن شي دول سعرها أقل بوايد للأجهزة المفتوحة رسمي .. يعني قريب 900 درهم أرخص من بريطانيا !.
وغير ان الشحن من هالدول يكون أرخص .. فيطلع سعر الجهاز شامل حوالي 3000-3300 درهم للـ32 واصل لييين بيتك
من حق الناس تعرف هالأمور ..
وبعدها عاد كل واحد حر بفلوسه ..
اللي يبا يشتري بـ3000 كيفه واللي يبى يشتري لو بـ5000 بعد كيفه ..
والمهم فالنهاية المصلحة العامة لأن هذا منتدى شيخي والهدف الفايدة للجميع لا تزعل
الله يوفقك فتجارتك اخوي ويوفق الجميع للرزق الحلال
يعطيك العافيه يا اخوي ع هذا الموضوع ..
قلت اليه في خاطر كل عضو في قلبه هذا الشي لان صدق هذا الشي واضح و الكل يتعمد يتهجم ع الثاني بكلام مب لآزم يقوله و انا مب قاصده حد ولا حد يفهمني غلط و السموحه منكم ..
ربي يوفقك اخوي ..
و تحياتي
صباح الخير على الجميع وكل عام و الجميع بالف الف خير والف الالف هي مليون