السلام عليكم ورحمة الله وبركاته
الاسعار معروفة للجميع الاي فون في بريطانيا 600 باون اضربها في 5.9 لانك تستخدم تحويل بنكي او بطاقة فهذا اقل معدل للتحويل و النتيجة هي:

3540 درهم

تضيف له شحن و تامين على الشحن ويكون بمعدل 150 درهم يكون المجموع هو

3690 درهم

ياتي التلفون للجمرك و من يشوفون اي فون 4 ياخذون منك بدون رحمة و اقل شي 150 درهم اذا ما حسبلك الشحن فيكون عندك المجموع هو

3840 درهم

هذا بالاضافة لمصاريف النقل الداخلي وما الى ذلك وانت تستطيع ان تحسبها بينك وبين نفسك يعني سعرك مستحيل تاجر يشتغل فيه

اما اذا كان التلفون مغلق فالسعر يختلف وهذا التلفون به مشاكل لانك تعتمد على برامج قرصنة تتوقف عن العمل باي لحظة ويصبح عندك حديدة بلا قيمة.

تحياتي و تقديري لك وموفق ان شاء الله

23 thoughts on “سعر الاي فون للجميع وبكل وضوح”

  1. لا تعليق ابد ..

    لاني لو تكلمت وطلعت الي عندي اعرف وايد ناس راح يتضايقون ..
    بس انا ما شفت مثل هالكلام يوم انا عرضته هني للبيع ..

    ف اسكت احسن لي وللجميع والله ..

    وموفقين لكل خير ياربي ..

  3. بالنسبة للاي فون 4 من استراليا ميلبورن

    يكلف تقريبا 2970 درهم

    اما الاي باد + شنطة الجلد الاصلية 32 g كلفني تقريبا 2750 درهم

    بعدين الشيخ لا تنسى انه 10 الى 15 % من قيمة الجهاز هي ضرائب ترجع لك من مصلحة الضرائب فالمطار . سواءا هيثرو او جاتويك في حالة عطيتهم الفاتورة الاصلية و هذا الشي انا دايم اسويه .

  4. حلوو .. انته تقول سعره يوصل تقريبا 3840 درهم .. وانته سعرك مثل ما شفت في موضوعك الثاني .. 4200 !!

    يعني ضارب فايده 360 درهم اذا مب زياده !

    شوف العيب في منوه و عقب تعال اتكلم .. المشكله انتوا “يالتجار” دايما المستهلك هو الغلطان في نظركم .. وتتحرونه يغرف بيزاته من البحر .. وانتوا الفقارى المساكين الي دوم مظلومين

    الحمدلله على كل حال .. و اليور في كل مكان هب الا فالمنتديات ..

Comments are closed.