كثير من الناس استبشر خيرا عند افتتاح سوق التنين في دبي وذلك بسبب ان البضائع الصينينه رخيصه وجودتها مقبوله نسبيا ..وستكون متوفره في دبي وبخف العنوه على التجار و الافراد من السفر الي الصين …و من المعروف ان الصناعات الصينيه داخله في كل المجالات من صناعه المسامير الي السيارات.
لكن دائما اسمع من الناس الي زاروا سوق التنين بان الاسعار مبالغ فيها مقارنه بالاسعار في الصين و تصل الي 3 اضعاف عن سعرها الاصلي.
سؤالي لي أهل التجربه الي اشتروا بضائع من الصين وزاروا سوق التنين هل هناك فرق كبير بين الاسعار في الصين وسوق التنين؟؟؟
الصرااااحه مبالغين جداً في أسعااارهن في السوق الصيني
الصين كل شي فيها حلو ورخيص وكل لي تتوقعونه وتبونه بتحصلونه فيها
عاااده الأثاث لي فيها شي جنه ورعه فوق الخيااااال فيها سوق تحت الأرض لو تمشون فيه أسبوع
كامل بعدكم ماخلصتوا منه ومن الحواطه فيه
اول ما فتحو السوق الصيني كانت اسعاره حلوه وتقدر تكاسر.
من عرفو الجماعه انه الشعب دفيع والامور طيبه بدو يصلخون الناس.
والاسعار ما تنزل . والجوده حدث ولا حرج..حتى ريحه المكان بعد الافتتاح بفتره بدت تضايج بالواحد بحكم وجود كميات كبيره من البضايع الغير جيده اللي تدخل في مكوناتها ارخص انواع النايلون والبلاستيك اذا ما كانت مواد سامه..اي شي يدش اسواقنا للاسف. هب شرات بلدان برا حتى الصيني عندهم ينافس اكبر الماركات.
سؤال….ما لاحضتو انه ما شي قطو ولا كلب ..الله يعزكم خاري السوق الصيني وعند سكن العمال الصينيين؟؟؟؟
اتمنا الواحد يفكر ويستنبط الجواب.
تسلم على الشرح يبالنا زياره خاطفه
اذا بتشتري من الصين ارخص مليون مره من سوق التنين والجوده انته تتحكم فيها
ابسط شي قرفة نوم موجوده عندهم بسعر 11الف فلس مينزل ونفسها في الشارجه خلف معرض التيوتا بسعر 5500درهم
والسبب انه اذا مشتريت مليون غيرك بيشتري شوف اهل الخليج من كل صوب ايونه هذا الي مقوي ظهرهم
بعطيكم شرح لسوق الصيني في عيمان
بنبدء شرح من مكان معروف .. من الستي سنتر في عيمان .. تاخذ الشارع سيده وتخلي الستي سنتر على ايدك اليمن ونته رايح لين مسيد الشيخ زايد إلي في عيمان كأنك رايح على طريق ام القيوين .. خذ يمين كأنك رايح جامعة عيمان … لين ماتوصل دوار المحكمة خذ هالدوار يسار .. بيكون المرور على يمينك وشوي جدام بتحصل شيشة البترول مال اليرف إلي فيها شامل …… روح سيده بيك دوار .. بعد خذ سيده .. رووووووح سيده ( للي يعرفون مغسلة الهنس .. نفس الطريج ) …… المهم نفس هالشارع بيكون على ايدك اليمين واااضح مكانه وسهل …
اتمنى إنه شرحي واضح ..
والسموحه إذا كان شرحي مب واضح .. لاني مب من أهل عيمان