كثير من الناس استبشر خيرا عند افتتاح سوق التنين في دبي وذلك بسبب ان البضائع الصينينه رخيصه وجودتها مقبوله نسبيا ..وستكون متوفره في دبي وبخف العنوه على التجار و الافراد من السفر الي الصين …و من المعروف ان الصناعات الصينيه داخله في كل المجالات من صناعه المسامير الي السيارات.

لكن دائما اسمع من الناس الي زاروا سوق التنين بان الاسعار مبالغ فيها مقارنه بالاسعار في الصين و تصل الي 3 اضعاف عن سعرها الاصلي.

سؤالي لي أهل التجربه الي اشتروا بضائع من الصين وزاروا سوق التنين هل هناك فرق كبير بين الاسعار في الصين وسوق التنين؟؟؟

49 thoughts on “ســــــوق التـــــنـــين – دبــي”

  1. واحد من الربع مركب في بيته ليتات صينية وكانت شغاله عنده 100%

    ومن أيام وبالتحديد في نص رمضان سمع صوت في الطابق الثاني

    وقال بروح اتأكد يمكن حد من لعيال طاح والا شي

    يوم وصل فوق حصل ليت من الليتات محترق وطايح على الارض

    وبعده شابه الضو فيه وعلى طول سوا عملية اخلاء لعياله

    وعقب ياب ماي وصبه على الضو

    وحلف ما يخلي ليت صيني في البيت

    فالحذر واجب يا خوان مب كل شي ينشرا من السوق الصيني

    الامور اللي تخص الكرهبه ابتعدوا عنها امررره

  2. اول مافتح سوق التنين كانت اسعاره رخيصة وممتازة

    بس الحين رفعوا الأسعار بشكل مبالغ فيه ، بسبب أنهم تعودوا علينا اذا طلبوا اي مبلغ الناس تدفع وما يهمهم.

    يعني بالعربي في ناس تدفع بدون نقاش حتى لو البضاعة ما تستحق الثمن المطلوب,

    فى الصميم,,, أوجزت ففهم السبب

  3. مااااا شاااء الله تبااارك الرحمن .. والله زييييييييييين
    ان شاء الله اناااا ناااويه اسيييير
    اذا اخوي مااا ظرب فيني خياااانه لانه وعدني
    هيه اناااا ابااااه احتيااااااط اتحتفظ فيه اذا مااا عليك آآآمااااره ^_^

    حاضرين عموه إن شاء الله اليوم بحاول أييبلكم الأرقام والعناوين وبحطه لكم على العام

    عشان الكل يستفيد لو فكر يزور الصين

  4. السبب في رفع اسعار البضاعه في سوق التنين هووو
    ان السوق قبل كانو البياعه صينيين اما اللحين صارو البياعه
    1-هنود
    2-زلمات
    يعني دخلت جنسيات اخرى ولعبو فالاسعار,,وهذا الشي ملحوووظ تماما.
    مع احترامي للجنسيات اللي ذكرتها.

    و والواحد كان لما يدخل السوق مايكمل ساعتين الا وخلص مشترياته واحتياجاته كلها …اما اللحي عافانا الله يبالك يومين لما تخصل تتشرى..لان المشكله صارت من عناد البياعه وارتفاع الاسعار مش من الزحمه.

Comments are closed.