السلام عليكم ورحمة الله وبركاته
والصلاة والسلام على اشرف المرسلين وخاتم النبيين سيدنا محمد وعلى اله وصحبة وسلم
وبعد
بصراحه يا اخوان انا لاحظت في الفترة الاخيره ان في اشخاص يعرضون ارقام عنده ولكن باسعار خيالية
فنظرا لخبرتي الطويلة في بيع ارقام السيارات حبيت اعرض عليكم الاسعار المقترحه او بمعنى اخر اللي
ماشية في السوق الحين ونحن انبيع ونشتري على اساسها وبعد للاخوة اللي بيشترون واللي بيبيعون
وذلك حتى تتم الاستفادة للجميع مع تمنياتي لكم بالتوفيق
الارقام الحمر الرباعيه
اذا كان رقم مخربط فهو يسوى من 15 الى 18 الف
اذا رقم بدايته ونهايته نفي الرقم يسوى من 17 الى 20 الف حسب الرغبة
اذا رقمين عدال بعض متشابهة والرقمين الباقية متخربطة من 18 الى 22 الف
اذا رقمين متشابهين و واحد غير والاخير نفس الرقمين الاوليين من 20 الى 27 الف
اذا دبل دبل يسوى من 28 الى 40 الف
وطبعا في النهاية كله حسب الرغبة اذ ممكن رقم ينباع باكثر حسب رغبة الشراي
وانشالله النا لقاء بخصوص ارقام اخرى من فئات اخرى
واخر شي اقوله ياجماعة الخير كل واحد حر في حلاله وما اريد حد ينتقد او يزعل
والسموحه
السلام عليكم
ياشباب الحين بخبركم عن اللي صاير في السوق في الوقت الحالي وهو كالتالي:
اولا الارقام الجديده اللي الناس اشترتها بغرض التجارة اتوهجت فيها لان ماحد بيشتري رقم بالاسعار اللي انباعت به لانها صراحه عدت الليمت وما اعتقد ان في انسان بيشتري بهلغلا
ثانيا الارقام اتوقف البيع فيها لان صار في تلاعب وايد من قبل الاخوان اللي يشترون يعني في ناس تشتري ارقام واتريد تربح اضعاف مضاعفة وان دل هذا فانه يدل على جهلهم لان التجارة شطارة والشاطر هو اللي يقدر يبيع الرقم بسرعه ويكون فيه ربح معقول مب الضعف
وانا من وجهت نظري في الوقت الحالي ان اللي عنده رقم يبيعه لان بيي وقت بيسمحون للبيع وبيصير العرض اكثر من الطلب وبالتالي بتكون الاسعار طايحه تحت
هذا للي يريد يبيع
اما اللي يريد يشتري فيصبر شوي ولا يستعجل واكبر مثل عندنا سوق دبي شوفوا الاسعار كيف نزلت طبعا لاتنظرون للتجار ولكن انظروا للافراد اللي عندهم مثلا ارقام ثلاثية كانت الارقام توصل فوق ال 200 الف اما الحين فهي ما تتعدى ال 120 الف للرقم وهذا ان كان رقم ممتاز لان في ارقام ثلاثية انباعت باقل من 75 الف درهم
هذا والله يوفقكم واشكر كل من شارك وايضا بعض الاخوة اللي طلبوا مني ارقام بشوفلهم الموجود وبتواصل معاهم
مشكور على الموضوع
السلام عليكم ورحمة الله وبركاته
اخوي اشكر لك التعليق على الامر وانا معاك ان الاسعار غير ثابتة ولكن الاسعار الموجوده هي الصحيحة واغلب الناس ماشيه عليها ولكن في ناس ماعندها اي خبرة وتاخذ الرقم واتريد تربح فيه اكثر من 10 الاف وصدقني انهم مايبيعون الا قليل منهم
وبعدين الحين خلاص وقفوا بيع الارقام الا اللي عنده واسطة ولاتنسى الحين هذا الشي بيرفع الاسعار ولكن شو انقول الا الله ايعين
وشكرا
السلام عليكم ورحمة الله وبركاته
مستثمر ضبياني انا اايدك من ناحية اذا حد له رغبه يعني الي بيدفع بخسه عليه والي بيتاجر بيشري
بالاسعار الي انت كاتبها و بيبيع بيبيع بالاسعار الي كاتبها الاخ شخصيه مجهوله لانه يا اخي سعر الارقام غير
ثابت وهذا القول الصح وارد اقول الناس الدفيعه موجودين والتجار موجودين والمحتاجين موجودين والله يوفق
الجميع ولكن الكل يعرف انه حرام التدبيل فالسعر وهالاشيا الخرافيه واتمنى اكون وصلت معلومه وراي وليس
انتقاد وتعليق وشكرا لكم
المهري
تسلم ياخويه
المهم في تعديل جديد ان شالله راح اوضح فيه اكثر
وانتظروني باذن الله