السلام عليكم ورحمة الله وبركاته
والصلاة والسلام على اشرف المرسلين وخاتم النبيين سيدنا محمد وعلى اله وصحبة وسلم
وبعد
بصراحه يا اخوان انا لاحظت في الفترة الاخيره ان في اشخاص يعرضون ارقام عنده ولكن باسعار خيالية
فنظرا لخبرتي الطويلة في بيع ارقام السيارات حبيت اعرض عليكم الاسعار المقترحه او بمعنى اخر اللي
ماشية في السوق الحين ونحن انبيع ونشتري على اساسها وبعد للاخوة اللي بيشترون واللي بيبيعون
وذلك حتى تتم الاستفادة للجميع مع تمنياتي لكم بالتوفيق
الارقام الحمر الرباعيه
اذا كان رقم مخربط فهو يسوى من 15 الى 18 الف
اذا رقم بدايته ونهايته نفي الرقم يسوى من 17 الى 20 الف حسب الرغبة
اذا رقمين عدال بعض متشابهة والرقمين الباقية متخربطة من 18 الى 22 الف
اذا رقمين متشابهين و واحد غير والاخير نفس الرقمين الاوليين من 20 الى 27 الف
اذا دبل دبل يسوى من 28 الى 40 الف
وطبعا في النهاية كله حسب الرغبة اذ ممكن رقم ينباع باكثر حسب رغبة الشراي
وانشالله النا لقاء بخصوص ارقام اخرى من فئات اخرى
واخر شي اقوله ياجماعة الخير كل واحد حر في حلاله وما اريد حد ينتقد او يزعل
والسموحه
موضوع رائع ويفيد الجميع
طبعا من يريد يبيع او يشتري
قناص
مشكور ياخوية
لكن خاني بخبرك شي الحين شوف الاسعار بره والشباب واسال بتلاقيها مثل ما كاتبنها انا لكن انا الشي الوحيد اللي لاحظته هني في النتدى ان الاشخاص مب هم اصحاب الارقام طبعا مب كلهم وان عنده خمسين وسيط ولين وصل عنده وصل لهذا السعر لان كل واحد يزيد الف وغيرهم يبالغ وايد لكن انا قلت خلني احط الاسعار المتداولة في السوق يمكن يتفهمون الوضع
انت اتصدق رقم رباعي احمر يعني اشوي مرتب بعناه ب 15 الف وان اقل رقم معروض هني ب 4000
الف معقولة
المهم الله المستعان
والسموحة
مستثمر ظبياني
تسلم وماقصرت ياخوي على هالمعلومات المفيده
بس ياليت لو التجار واصحاب الارقام اللي يبون يبيعون يتبعون هذي المعلومات ومايبالغون
وجزاك الله خيراَ
مزاجي
هذا اقل شي ممكن انسوي في خدمة المنتدى والشباب الطيبة من امثالك
وشكرا
مستثمر ظبياني
جزااك الله خير عالمعلومات الطيبة