السلام عليكم ورحمة الله وبركاته

والصلاة والسلام على اشرف المرسلين وخاتم النبيين سيدنا محمد وعلى اله وصحبة وسلم

وبعد

بصراحه يا اخوان انا لاحظت في الفترة الاخيره ان في اشخاص يعرضون ارقام عنده ولكن باسعار خيالية

فنظرا لخبرتي الطويلة في بيع ارقام السيارات حبيت اعرض عليكم الاسعار المقترحه او بمعنى اخر اللي

ماشية في السوق الحين ونحن انبيع ونشتري على اساسها وبعد للاخوة اللي بيشترون واللي بيبيعون

وذلك حتى تتم الاستفادة للجميع مع تمنياتي لكم بالتوفيق

الارقام الحمر الرباعيه

اذا كان رقم مخربط فهو يسوى من 15 الى 18 الف
اذا رقم بدايته ونهايته نفي الرقم يسوى من 17 الى 20 الف حسب الرغبة
اذا رقمين عدال بعض متشابهة والرقمين الباقية متخربطة من 18 الى 22 الف
اذا رقمين متشابهين و واحد غير والاخير نفس الرقمين الاوليين من 20 الى 27 الف
اذا دبل دبل يسوى من 28 الى 40 الف

وطبعا في النهاية كله حسب الرغبة اذ ممكن رقم ينباع باكثر حسب رغبة الشراي

وانشالله النا لقاء بخصوص ارقام اخرى من فئات اخرى

واخر شي اقوله ياجماعة الخير كل واحد حر في حلاله وما اريد حد ينتقد او يزعل

والسموحه

110 thoughts on “سـلـسـلـه بـأسـعـار أرقـام الـسـيـارات!!!!!!!!!!!!!!!!!”

  1. اخوي مستثمر ظبياني

    صدق انك واقعي

    الاسعار الي تنعرض هني اسعلرها فلكيه

    الشباب الله يهديهم ما عندهم نظره

    رقم رباعي 60000 ورقم ثلاثي 500000 عيل رقم احادي بكم نعرضه 100 مليون

    يا جماعه الي يبا يبيع يعرض بسعر معقول يدخل العقل

    بعدين كلها الا حديده الواحد يروح يبنيله مسجد ينذكر فيه اسم الله احسنله ينفعه

    في الاخره ….

    هل تعلم انه بناء مسجد صغير في الفلبين يكلف 22000 درهم فقط مكان يذكر فيه

    اسم الله 5 مرات في اليوم …. والله يبنيلك بيت في الجنه …

    ونحنا نضيع وقتنا في الكلام الفاضي

    كلامك عين العقل والله لكن منوا اللي بيفضل المسجد على الرقم لو كان في لوحه تنحط على السيارة ان فلان بنى مسجد يمكن يبنون

    والسموحه

  2. اخوي مستثمر ظبياني

    صدق انك واقعي

    الاسعار الي تنعرض هني اسعلرها فلكيه

    الشباب الله يهديهم ما عندهم نظره

    رقم رباعي 60000 ورقم ثلاثي 500000 عيل رقم احادي بكم نعرضه 100 مليون

    يا جماعه الي يبا يبيع يعرض بسعر معقول يدخل العقل

    بعدين كلها الا حديده الواحد يروح يبنيله مسجد ينذكر فيه اسم الله احسنله ينفعه

    في الاخره ….

    هل تعلم انه بناء مسجد صغير في الفلبين يكلف 22000 درهم فقط مكان يذكر فيه

    اسم الله 5 مرات في اليوم …. والله يبنيلك بيت في الجنه …

    ونحنا نضيع وقتنا في الكلام الفاضي

  3. بعلق على الاسعار أخوي ..

    بعض الارقام تستاهل بصراحة ان يندفع فيها مبلغ كبير بس مش مبالغ فيه ..

    يعني انت تقول ان رقم ثلاثي مخربط رمادي ما يسوى له 500 ألف درهم ..

    وأنا شفت موضوع لرقم رباعي أحمر متشابه الرقمين الاخيرين بس ..صاحبه طالبنه بــ 100.000 هل هذا معقول ؟؟؟

    اذا السالفة بهاي الطريقة .. الي عنده واسطة في المرور يقدر يظهر له 5 أرقام رباعية حليوة ويبيعهم بالمنتدى بأسعار كبيرة ويقعد في البيت لا يشتغل ولا شي ..

    بعدين اغلب هاي الارقام اسعارها مبالغ فيها ..

    وكل واحد حر في سلعته وحر في المبلغ الي يعرضه فيها ..

    بس في بعض الاشخاص عمياني .. من كثر الخير الي عندهم يشتروووون اي شي للتباهي فقط ..

    والله سبحانه وتعالى راح يسأل عباده عن ماله فيما أنفقه …

    والله يوفقكم

    كلامك صحيح

  4. بعلق على الاسعار أخوي ..

    بعض الارقام تستاهل بصراحة ان يندفع فيها مبلغ كبير بس مش مبالغ فيه ..

    يعني انت تقول ان رقم ثلاثي مخربط رمادي ما يسوى له 500 ألف درهم ..

    وأنا شفت موضوع لرقم رباعي أحمر متشابه الرقمين الاخيرين بس ..صاحبه طالبنه بــ 100.000 هل هذا معقول ؟؟؟

    اذا السالفة بهاي الطريقة .. الي عنده واسطة في المرور يقدر يظهر له 5 أرقام رباعية حليوة ويبيعهم بالمنتدى بأسعار كبيرة ويقعد في البيت لا يشتغل ولا شي ..

    بعدين اغلب هاي الارقام اسعارها مبالغ فيها ..

    وكل واحد حر في سلعته وحر في المبلغ الي يعرضه فيها ..

    بس في بعض الاشخاص عمياني .. من كثر الخير الي عندهم يشتروووون اي شي للتباهي فقط ..

    والله سبحانه وتعالى راح يسأل عباده عن ماله فيما أنفقه …

    والله يوفقكم

Comments are closed.