في الاونه الاخيره كانت هناك العديد من الاتصالات التي تصلني بين الحين والاخر وأصحابها يتهموني بأن سياراتي كلها مسروقه أو غرقانه أو مدعومه ومصلحه
يا أخوان لقد قلنا للجميع بأننا سنقوم بشراء السيارات على حسابنا الشخصي وسندقع قيمه النقل داخل أمريكا والجمارك في دبي والشحن البحري والنقل من الميناء بدبي الى مستودعات البكر برأس الخيمه
والسيارات راح تكون موجوده جدام عيون الزبون الذي يرغب بالشراء وأنا محطي بموقع البكر للسيارات تقرير الكارفاكس مجانا لاي واحد يبغي يعرف تاريخ السياره اللي أنا موردنها وللزبون الحق في أن يأخذ السياره لأي كراج أو وكاله لفحصها وإذا عجبته يشتريها وإذا ما عجبته يخليها وسعود البكر يتحمل مسئوليه الربح والخساره.
أعتقد أكثر من هذا ما أقدر أسوي . ولا زال بعض الاخوان يتصل ويقول لي لا تورد سيارات على حسابك لانه السوق فيه هوامير بيطحنونك ويغرقونك وبتروح فيها . وهم نصحوني بالأستمرار على الطريقه القديمه وهي توريد السيارات حسب الطلبات المدفوعه مقدما بالكامل عند فيصل الخضر 3182222 – 050
يا أخوان سعود البكر الان يشتغل على الموجتين
الموجه الاولي وهي توريد سيارات على حسابه واللي يبا يشتري يتفضل يشوف السياره ويقرر
والموجه الثانيه وهي توريد السيارات من أمريكا مباشره للزبون اللي يبانا نشتريها من مالكها الاصلي من أمريكا ونشحنها له
وأنا الان بصدد عقد إتفاقات مع بيوت التمويل والبنوك عندنا بالامارات لكي يمولوا السيارات للشباب الذين يرغبون بشراء السيارات التي أوردها على حسابي الشخصي
وأتمنى من الاخوان الذين إتصلوا وقالولي سياراتك غرقانه ومسروقه الكف عن هذه التصرفات الرعناء التي تنم عن فراغ قاتل يعاني منه أولئك الذين إتهمونا بتوريد سيارات زباله
وأي واحد يا أخوان يبغي شئ من أمريكا يتصل بي مباشره.
ويمكن للاخوان مشاهذه سيارات سعود البكر اللي مشترنها على حسابه على الرابط التالي
هاتف مباشر 0017744444444
مكتب رعايه المصالح التجاريه الخليجيه بأمريكا
سـعـود بن عـبـدالـرحـمـن الـبكـر الـزعـابـي
السلام عليكم
ممكن رقمك يالغالي
تحياتي
فيصل الخضر
بالتـــــوفيق ان شـــــاء الله
تصدق يا بو اليازيه. فيه بعض ضعاف النفوس من أصحاب المعارض
يتصلون بي ويسبوني ويشتموني ويقولولي الله يأخذ اليوم اللي نزلت فيه
موقعك وإعلاناتك في جرائد دول الخليج العربي وخبرت الناس كيف يوصلون
للملاك في أمريكا مباشره. واحد منهم يقولي شو فائدتك من كل هذه الشغله
حرام عليك خربت علينا السوق وخليت الزبائن يتصلون بأمريكا مباشره
رديت عليه قلت له الله يسامحك. وقلت له القافله لن تتوقف عن المسير
سيروا سدد الله خطاكم وعلى الخير رعاكم
سعود عبدالرحمن البكر الزعابي
هذه هي ضريبه الابداعات المنقطعه النظير
أنا أحاول أوصل صوره واضحه للناس
والبعض يقول أنه أنا مخرب عليهم السوق
بالله عليكم شو رأيكم في هذا الكلام
حبيت اقولكم .. ولله على ما اقول شهيد
اتصلت فهذا الي اسمه فيصل تقريبا على اساعه 9 الصبح
انا : الوووووو
فيصل : نعم
انا : السلام عليكم
فيصل : وعليكم السلام
انا : الاخ فيصل ؟؟
فيصل : شو تبي
انا : اخوي ابي استفسر عن معرضكم الي بشماليه وشو من سيارات الي عندكم الين الحين والي يايات
فيصل : انت شو تبى
انا : لكزس 430
فيصل : فيه 2002 فيها شاشه
انا : شو لونها وكم المطلوب
فيصل : اتصل فسعود وهو الي بيقولك السعر
انا : انزين متى بتوصل ..؟ الحبيب سكر بويهي
يعني بذمتكم هذا اسلوب ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
سعود ما عليك منهم هذا كلام هل المعارض