في الاونه الاخيره كانت هناك العديد من الاتصالات التي تصلني بين الحين والاخر وأصحابها يتهموني بأن سياراتي كلها مسروقه أو غرقانه أو مدعومه ومصلحه
يا أخوان لقد قلنا للجميع بأننا سنقوم بشراء السيارات على حسابنا الشخصي وسندقع قيمه النقل داخل أمريكا والجمارك في دبي والشحن البحري والنقل من الميناء بدبي الى مستودعات البكر برأس الخيمه
والسيارات راح تكون موجوده جدام عيون الزبون الذي يرغب بالشراء وأنا محطي بموقع البكر للسيارات تقرير الكارفاكس مجانا لاي واحد يبغي يعرف تاريخ السياره اللي أنا موردنها وللزبون الحق في أن يأخذ السياره لأي كراج أو وكاله لفحصها وإذا عجبته يشتريها وإذا ما عجبته يخليها وسعود البكر يتحمل مسئوليه الربح والخساره.
أعتقد أكثر من هذا ما أقدر أسوي . ولا زال بعض الاخوان يتصل ويقول لي لا تورد سيارات على حسابك لانه السوق فيه هوامير بيطحنونك ويغرقونك وبتروح فيها . وهم نصحوني بالأستمرار على الطريقه القديمه وهي توريد السيارات حسب الطلبات المدفوعه مقدما بالكامل عند فيصل الخضر 3182222 – 050
يا أخوان سعود البكر الان يشتغل على الموجتين
الموجه الاولي وهي توريد سيارات على حسابه واللي يبا يشتري يتفضل يشوف السياره ويقرر
والموجه الثانيه وهي توريد السيارات من أمريكا مباشره للزبون اللي يبانا نشتريها من مالكها الاصلي من أمريكا ونشحنها له
وأنا الان بصدد عقد إتفاقات مع بيوت التمويل والبنوك عندنا بالامارات لكي يمولوا السيارات للشباب الذين يرغبون بشراء السيارات التي أوردها على حسابي الشخصي
وأتمنى من الاخوان الذين إتصلوا وقالولي سياراتك غرقانه ومسروقه الكف عن هذه التصرفات الرعناء التي تنم عن فراغ قاتل يعاني منه أولئك الذين إتهمونا بتوريد سيارات زباله
وأي واحد يا أخوان يبغي شئ من أمريكا يتصل بي مباشره.
ويمكن للاخوان مشاهذه سيارات سعود البكر اللي مشترنها على حسابه على الرابط التالي
هاتف مباشر 0017744444444
مكتب رعايه المصالح التجاريه الخليجيه بأمريكا
سـعـود بن عـبـدالـرحـمـن الـبكـر الـزعـابـي
ما يهزك ريح
و انا انشاء الله مثل ما وصيتك اريد سياره لكزس 470 من موديل 2003 الين 2007 بشرط تكون بيضا و فيها شاشه و ثقتي فيك كبيره اشتري من ولد البلاد و لا اشتري من حراميه السوق و المعارض…..يا جماعه انا كنت ادور موتر وصارت لي فتره اكثر من شهر لاحظت ان المعارض لما توقف عند حد منهم سياره اسبوعين و محد يشتريها يوديها الى معرض ثاني بعيد عنه على اساس انها توها واصله لاني مره شفت موتر و وايد عيبني لكن ما راعاني بالسعر و كانت علامه حرقه سجاره لما سالت متى وصلت كان من امس و ما لحقت اغسلها جذابين يا جماعه و اللي يبا يشتري سياره يخبرني و بعلمه طريقه تنفعه
مرحبا اخوي سعود
يعلم الله ان ما بيني وبينك اي شي بس بصراحه من كثر ما تطرح هالنوعية من المواضيع خليت الشباب يشكون ويخافون من التعامل وياك
اخوي كلنا نعرف انك تصدر سيارات من امريكا للخليج ودعاياتك موجوده بمجلات السيارات وبالجرايد والله يوفقك ان شاء الله
بس كثر هالنوعية من المواضيع مب لصالحك انت وتعتبر ضدك
نصيحتي لك خلك مثل قبل اعرض السيارات وما يحتاي تسوي زوبعه من لا شيء
اللي يبا يتعامل وياك رقمك موجود في كل مكان واللي ما يبا برايه
وما اعتقد بأنك معتمد على المنتدى عشان تجارتك
والسموحه منك
انا اللي اشوفه انه مواضيع سعود البكر صارت مكان للسب والشتايم
الظاهر كل واحد متظيج دش وفش حرته في الريال
ياليت اللي تعامل معاه يبدي رايه بصراحة واللي ماتعامل معاه يتم ساكت لا يغلط ولا يجرحه بالكلام
الله يوفقك الحميع
اخ سعود
اذا انت تاجر ….لازم تكون عندك سعة صدر
وتتقبل اي شي يقوله الزبون مهما كان
ومافي داعي تقول حد قالك انت نصاب ولا انت تقص علينا
انت عارف عمرك وعارف كيف شغلك!!!
اذا انت تقول الناس تغلط عليك ومادري شو .. كيف بتستوي تاجر
لو جي السالفة بنشوف كل التجار كاتبين في الجرايد اعلانات ولا مقالات يقولون فيها الزباين يغلطون علينا ويتشكون انه ننصب عليهم. صحيح كلامي!!!
ومافي داعي تحط عمرك بقفص ولا ف تابوت
ربي يوفقك يا خووي وان شاء الله الأيام بثبت كلامك اذا كنت على حق والله مع التاجر الصدوق ويبارك له في تجارته