في الاونه الاخيره كانت هناك العديد من الاتصالات التي تصلني بين الحين والاخر وأصحابها يتهموني بأن سياراتي كلها مسروقه أو غرقانه أو مدعومه ومصلحه
يا أخوان لقد قلنا للجميع بأننا سنقوم بشراء السيارات على حسابنا الشخصي وسندقع قيمه النقل داخل أمريكا والجمارك في دبي والشحن البحري والنقل من الميناء بدبي الى مستودعات البكر برأس الخيمه
والسيارات راح تكون موجوده جدام عيون الزبون الذي يرغب بالشراء وأنا محطي بموقع البكر للسيارات تقرير الكارفاكس مجانا لاي واحد يبغي يعرف تاريخ السياره اللي أنا موردنها وللزبون الحق في أن يأخذ السياره لأي كراج أو وكاله لفحصها وإذا عجبته يشتريها وإذا ما عجبته يخليها وسعود البكر يتحمل مسئوليه الربح والخساره.
أعتقد أكثر من هذا ما أقدر أسوي . ولا زال بعض الاخوان يتصل ويقول لي لا تورد سيارات على حسابك لانه السوق فيه هوامير بيطحنونك ويغرقونك وبتروح فيها . وهم نصحوني بالأستمرار على الطريقه القديمه وهي توريد السيارات حسب الطلبات المدفوعه مقدما بالكامل عند فيصل الخضر 3182222 – 050
يا أخوان سعود البكر الان يشتغل على الموجتين
الموجه الاولي وهي توريد سيارات على حسابه واللي يبا يشتري يتفضل يشوف السياره ويقرر
والموجه الثانيه وهي توريد السيارات من أمريكا مباشره للزبون اللي يبانا نشتريها من مالكها الاصلي من أمريكا ونشحنها له
وأنا الان بصدد عقد إتفاقات مع بيوت التمويل والبنوك عندنا بالامارات لكي يمولوا السيارات للشباب الذين يرغبون بشراء السيارات التي أوردها على حسابي الشخصي
وأتمنى من الاخوان الذين إتصلوا وقالولي سياراتك غرقانه ومسروقه الكف عن هذه التصرفات الرعناء التي تنم عن فراغ قاتل يعاني منه أولئك الذين إتهمونا بتوريد سيارات زباله
وأي واحد يا أخوان يبغي شئ من أمريكا يتصل بي مباشره.
ويمكن للاخوان مشاهذه سيارات سعود البكر اللي مشترنها على حسابه على الرابط التالي
هاتف مباشر 0017744444444
مكتب رعايه المصالح التجاريه الخليجيه بأمريكا
سـعـود بن عـبـدالـرحـمـن الـبكـر الـزعـابـي
هههههههههههههههه
المشكلة مش في بو 200 مشاركة
أنا مستغرب من العضو أحمد الشامسي .. عنده مشاركة وحدة بس
يعني مسجل عشان يمدح وبس
ياخي عندي سؤال ؟؟
العلم اللي حاطنه علم وين ؟؟
أشوف اللي يمدحون سعود غالبيتهم من قوم 200 مشاركه و تحت (يعني يداد). لا، و نفس الأسلوب، و في النهايه تلقاهم يشكرون عمارهم.
أنا بعد، مشاركاتي شويه، الله يستر لا أكون أنا سعود و إنتوا ما تدروووون.
يا ناس… يا عالم … اشوي اشوي على الريال… ان شاء الله الريال ما عنده الا كل خير لكم…
وثاني شي ما نقدر نتكلم في حقه… لانا ما عندنا دليل ضده… و الريال الناس تتمدح فيه … و فينا تذمه…
الصراحة من وجهة نظري سياراته ما عليها كلام… و اسعاره منافسه للسوق…
والله يوفقنا و يوفقك
ماعليك من الحاقدين والحاسدين انا نفسي اشتري سياره من عندك
وبعدين موقع سياراتك الموجوده في الامارات مافتح ياليت تشوف لنا حل عشان ابا شوف سياراتك الموجوده في البلااد لاني حاب اشتري من عندك
السلام عليكم ورحمة الله وبركاته
يا إخوان المفروض ما تكون إتهاماتكم للريال بهالصورة يعني المفروض أو بأقل شي وبدون مجامله لسعود البكر تشكرونه لأنه يقدم لكم سيارات بأسعار خياليه الأغلبيه منكم ناصبين عليهم في معارض الدوله الريال دخل باب التجاره بس عشان يفيد الناس اللي في خاطرهم سيارة بسعر جهنمي وأخونا سعود يوفر هالموتر بسعر حلو بس وارد وإنته إنسان تخير نفسك إذا تباه ولا لا .. وأنا اللي أعرفه مب عيب إنه الشخص يدافع عن عمره بين كل فتره وفتره يدش واحد ويقول سعود نصب علي وسعود سياراته غرقانه وسعود … قصة طويله وعريضه يا جماعة إنتوا جيه تقطعون رزق الريال بغير حق وهذا حرام ومن حقه تكون ردة فعله بهالصوره واللي مب عاجبنه مواتر البكر يا جماعه يروح يشتري من المعارض ليش هالإنتقادات اللي تضيع الوقت وفي النهايه الله يهديكم يا إخواني ونصيحه لك يا سعود البكر (( إنته أكبر عن هذا كله وأهم شي ثقتك في عمرك وما عليك من القيل والقال والله يوفقك في كل أمورك ومثل ما يقول المثل : اللي ما يطول العنب حامض عنه يقول )) وفمان الله جميعاً