من ضمن استراتيجيات الحياة
إنه الواحد يرتب أموره ويضع النقاط على الحروف
في السفر وفي حياته اليومية

والأزمة العالمة بينت للكل إنه ما في أي حد عنده استراتيجية في الحياة ..

{ ما أعرف شو السالفة ؟ }
على العموم

بسافر الصيف اسبوعين برع البلاد
أبا أرتب أموري من الحين بالنسبة للتذاكر والفنادق

وين تنصحوني .. للعلم
والمكان الوحيد إلي ما سافرته للحين لأوروبا + إلي عنده مندوب لتخليص الشنجن يتواصل
تقبلي تحياتي

29 thoughts on “سفرة الصيف”

  2. مرحبا اخوي الهامور

    خبرنا وين وصلت لترتيبات اجازة الصيف

    وسرت مكتب السفريات في جمعية سمنان في شارجة مثل ماخبرتك قبل

    هاي سنة يالسين نخطط لرحلة وايد عيبتهم الفكرة وفيه ناس ساروا على نفس الرحلة واستانسوا

    مخطط الرحلة كألاتي

    الوصول لدسيلدورف الالمانية عبر طيران الامارات

    وزيارة المدن لي حواليها

    وبعدها التحرك لفرانكفورت

    ومن ثم ميونخ

    ومن ثم التوجة لأنترلاكن بسويسرا والجلوس فيها 4 ليالي تقريبا لأكتشاف هذي المنطقة الجميلة

    وفي النهاية التوجة لزيوريخ لرجوع الى ارض الوطن

    التنقل بين المدن يكون بسيارة اجار من يوروب كار الاستلام من المطار والتسليم في المطار .

    وبتوفيق ان شاء الله

  3. الصرااحة اروبا انا سرت لهاا
    – فرنسا : باريس .. ديزني لاند ..
    المانيا : ميونخ .. غارمش فوق الجبال
    -ايطاليا : ميلانو
    -سويسرا : جنيف.
    …..
    اخوي سويسرا .. حق الراحة حلوة .. اما المانيا فروح منطقة غارمش فوق الجبل .. بين الثلووج رهييييييييييييييييبة … فانصحك فيهاا
    كان عندنا واحد هنااك اسمه “دوني” مرشدنا وصديقنا .. بحااول اييب لك رقمه وبيرتب لك كل شي هنااك ^_^

  5. السلام عليكم و رحمة الله و بركاته.

    ميلانو في ايطاليا و من اهناك تاخذ لك القطار اين جنيف في سويسرا.جنيف اتخبل من ناحية الطبيعة و الحضارة و من جنيف تاخذ رحلة داخلية الى باريس. باريس سرنا لها مرة و الحين دوم نبغي انسير لها. ميلانو فيها اسواق و معالم تاريخية و هي مدينة صناعية. جنيف فيها البحيرة و تقدر تاخذ رحلة التلفريك في يبال الالبس و حدايقها اتجنن. في باريس اخذ الباص السياحي تذكرة مدتها يومين و يكون في مرشد سياحي يشرح او نظام الاوديو تختار اللغة اللي تباها. جي بتشوف كل باريس في يومين و احلى شي فيها المشي. المشي ابروحه كم يسوى و يوم تقدر اتسير دزني و يوم قصر فرساي اللي يجنن بحدايقه. هذي في رايي اكثر المدن السياحية جمالا و بعد وياهم زلامسي و مدن ثانية في النمسا يمدحونها. نحن كنا ناوين على زلامسي و جنيف و روما لكن اخوي “احم احم” الله يذكره بالخير خبرني ان جنيف و زلامسي تقريبا نفس الشي. روما تراها حلوة و نحن ناوين انسير لها ان شاء الله.

Comments are closed.